11. சதுத்த²அப⁴ப்³ப³ட்டா²னஸுத்தம்

95. ‘‘ச²யிமானி, பி⁴க்க²வே, அப⁴ப்³ப³ட்டா²னானி. கதமானி ச²? அப⁴ப்³போ³ தி³ட்டி²ஸம்பன்னோ புக்³க³லோ ஸயம்கதம் ஸுக²து³க்க²ம் பச்சாக³ந்தும், அப⁴ப்³போ³ தி³ட்டி²ஸம்பன்னோ புக்³க³லோ பரம்கதம் [பரகதம் (ஸீ. ஸ்யா.)] ஸுக²து³க்க²ம் பச்சாக³ந்தும், அப⁴ப்³போ³ தி³ட்டி²ஸம்பன்னோ புக்³க³லோ ஸயம்கதஞ்ச பரம்கதஞ்ச ஸுக²து³க்க²ம் பச்சாக³ந்தும், அப⁴ப்³போ³ தி³ட்டி²ஸம்பன்னோ புக்³க³லோ அஸயம்காரம் அதி⁴ச்சஸமுப்பன்னம் ஸுக²து³க்க²ம் பச்சாக³ந்தும், அப⁴ப்³போ³ தி³ட்டி²ஸம்பன்னோ புக்³க³லோ அபரம்காரம் அதி⁴ச்சஸமுப்பன்னம் ஸுக²து³க்க²ம் பச்சாக³ந்தும், அப⁴ப்³போ³ தி³ட்டி²ஸம்பன்னோ புக்³க³லோ அஸயம்காரஞ்ச அபரம்காரஞ்ச அதி⁴ச்சஸமுப்பன்னம் ஸுக²து³க்க²ம் பச்சாக³ந்தும். தம் கிஸ்ஸ ஹேது? ததா² ஹிஸ்ஸ, பி⁴க்க²வே, தி³ட்டி²ஸம்பன்னஸ்ஸ புக்³க³லஸ்ஸ ஹேது ச ஸுதி³ட்டோ² ஹேதுஸமுப்பன்னா ச த⁴ம்மா. இமானி கோ², பி⁴க்க²வே, ச² அப⁴ப்³ப³ட்டா²னானீ’’தி. ஏகாத³ஸமம்.

ஸீதிவக்³கோ³ நவமோ. [சதுத்தோ² (ஸ்யா. க.)]