(15) 5. மங்க³லவக்³கோ³

1. அகுஸலஸுத்தம்

147. ‘‘தீஹி, பி⁴க்க²வே, த⁴ம்மேஹி ஸமன்னாக³தோ யதா²ப⁴தம் நிக்கி²த்தோ ஏவம் நிரயே. கதமேஹி தீஹி? அகுஸலேன காயகம்மேன, அகுஸலேன வசீகம்மேன, அகுஸலேன மனோகம்மேன – இமேஹி கோ², பி⁴க்க²வே, தீஹி த⁴ம்மேஹி ஸமன்னாக³தோ யதா²ப⁴தம் நிக்கி²த்தோ ஏவம் நிரயே.

‘‘தீஹி, பி⁴க்க²வே, த⁴ம்மேஹி ஸமன்னாக³தோ யதா²ப⁴தம் நிக்கி²த்தோ ஏவம் ஸக்³கே³. கதமேஹி தீஹி? குஸலேன காயகம்மேன, குஸலேன வசீகம்மேன, குஸலேன மனோகம்மேன – இமேஹி கோ², பி⁴க்க²வே, தீஹி த⁴ம்மேஹி ஸமன்னாக³தோ யதா²ப⁴தம் நிக்கி²த்தோ ஏவம் ஸக்³கே³’’தி. பட²மம்.

2. ஸாவஜ்ஜஸுத்தம்

148. ‘‘தீஹி, பி⁴க்க²வே, த⁴ம்மேஹி ஸமன்னாக³தோ யதா²ப⁴தம் நிக்கி²த்தோ ஏவம் நிரயே. கதமேஹி தீஹி? ஸாவஜ்ஜேன காயகம்மேன, ஸாவஜ்ஜேன வசீகம்மேன, ஸாவஜ்ஜேன மனோகம்மேன – இமேஹி கோ², பி⁴க்க²வே, தீஹி த⁴ம்மேஹி ஸமன்னாக³தோ யதா²ப⁴தம் நிக்கி²த்தோ ஏவம் நிரயே.

‘‘தீஹி, பி⁴க்க²வே, த⁴ம்மேஹி ஸமன்னாக³தோ யதா²ப⁴தம் நிக்கி²த்தோ ஏவம் ஸக்³கே³. கதமேஹி தீஹி? அனவஜ்ஜேன காயகம்மேன, அனவஜ்ஜேன வசீகம்மேன, அனவஜ்ஜேன மனோகம்மேன – இமேஹி கோ²…பே… ஏவம் ஸக்³கே³’’தி. து³தியம்.

3. விஸமஸுத்தம்

149. ‘‘தீஹி, பி⁴க்க²வே…பே… விஸமேன காயகம்மேன, விஸமேன வசீகம்மேன, விஸமேன மனோகம்மேன – இமேஹி கோ²…பே… ஏவம் நிரயே.

‘‘தீஹி, பி⁴க்க²வே, த⁴ம்மேஹி…பே… ஸமேன காயகம்மேன, ஸமேன வசீகம்மேன, ஸமேன மனோகம்மேன – இமேஹி கோ²…பே… ஏவம் ஸக்³கே³’’தி. ததியம்.

4. அஸுசிஸுத்தம்

150. ‘‘தீஹி, பி⁴க்க²வே…பே… அஸுசினா காயகம்மேன, அஸுசினா வசீகம்மேன, அஸுசினா மனோகம்மேன – இமேஹி கோ²…பே… ஏவம் நிரயே.

‘‘தீஹி, பி⁴க்க²வே…பே… ஸுசினா காயகம்மேன, ஸுசினா வசீகம்மேன, ஸுசினா மனோகம்மேன – இமேஹி கோ², பி⁴க்க²வே, தீஹி த⁴ம்மேஹி ஸமன்னாக³தோ யதா²ப⁴தம் நிக்கி²த்தோ ஏவம் ஸக்³கே³’’தி. சதுத்த²ம்.

5. பட²மக²தஸுத்தம்

151. ‘‘தீஹி, பி⁴க்க²வே, த⁴ம்மேஹி ஸமன்னாக³தோ பா³லோ அப்³யத்தோ அஸப்புரிஸோ க²தம் உபஹதம் அத்தானம் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனம், ப³ஹுஞ்ச அபுஞ்ஞம் பஸவதி. கதமேஹி தீஹி? அகுஸலேன காயகம்மேன, அகுஸலேன வசீகம்மேன, அகுஸலேன மனோகம்மேன – இமேஹி கோ², பி⁴க்க²வே, தீஹி த⁴ம்மேஹி ஸமன்னாக³தோ பா³லோ அப்³யத்தோ அஸப்புரிஸோ க²தம் உபஹதம் அத்தானம் பரிஹரதி, ஸாவஜ்ஜோ ச ஹோதி ஸானுவஜ்ஜோ ச விஞ்ஞூனம், ப³ஹுஞ்ச அபுஞ்ஞம் பஸவதி.

‘‘தீஹி, பி⁴க்க²வே, த⁴ம்மேஹி ஸமன்னாக³தோ பண்டி³தோ வியத்தோ ஸப்புரிஸோ அக்க²தம் அனுபஹதம் அத்தானம் பரிஹரதி, அனவஜ்ஜோ ச ஹோதி அனனுவஜ்ஜோ ச விஞ்ஞூனம், ப³ஹுஞ்ச புஞ்ஞம் பஸவதி. கதமேஹி தீஹி? குஸலேன காயகம்மேன, குஸலேன வசீகம்மேன, குஸலேன மனோகம்மேன…பே…. பஞ்சமம்.

6. து³தியக²தஸுத்தம்

152. ‘‘தீஹி, பி⁴க்க²வே…பே… ஸாவஜ்ஜேன காயகம்மேன, ஸாவஜ்ஜேன வசீகம்மேன, ஸாவஜ்ஜேன மனோகம்மேன…பே….

‘‘தீஹி, பி⁴க்க²வே…பே… அனவஜ்ஜேன காயகம்மேன, அனவஜ்ஜேன வசீகம்மேன, அனவஜ்ஜேன மனோகம்மேன…பே…. ச²ட்ட²ம்.

7. ததியக²தஸுத்தம்

153. ‘‘தீஹி, பி⁴க்க²வே…பே… விஸமேன காயகம்மேன, விஸமேன வசீகம்மேன, விஸமேன மனோகம்மேன…பே….

‘‘தீஹி, பி⁴க்க²வே…பே… ஸமேன காயகம்மேன, ஸமேன வசீகம்மேன, ஸமேன மனோகம்மேன…பே…. ஸத்தமம்.

8. சதுத்த²க²தஸுத்தம்

154. ‘‘தீஹி, பி⁴க்க²வே…பே… அஸுசினா காயகம்மேன, அஸுசினா வசீகம்மேன, அஸுசினா மனோகம்மேன…பே….

‘‘தீஹி, பி⁴க்க²வே…பே… ஸுசினா காயகம்மேன, ஸுசினா வசீகம்மேன, ஸுசினா மனோகம்மேன – இமேஹி கோ², பி⁴க்க²வே, தீஹி த⁴ம்மேஹி ஸமன்னாக³தோ பண்டி³தோ வியத்தோ ஸப்புரிஸோ அக்க²தம் அனுபஹதம் அத்தானம் பரிஹரதி, அனவஜ்ஜோ ச ஹோதி அனனுவஜ்ஜோ ச விஞ்ஞூனம், ப³ஹுஞ்ச புஞ்ஞம் பஸவதீ’’தி. அட்ட²மம்.

9. வந்த³னாஸுத்தம்

155. ‘‘திஸ்ஸோ இமா, பி⁴க்க²வே, வந்த³னா. கதமா திஸ்ஸோ? காயேன, வாசாய, மனஸா – இமா கோ², பி⁴க்க²வே, திஸ்ஸோ வந்த³னா’’தி. நவமம்.

10. புப்³ப³ண்ஹஸுத்தம்

156. ‘‘யே, பி⁴க்க²வே, ஸத்தா புப்³ப³ண்ஹஸமயம் காயேன ஸுசரிதம் சரந்தி, வாசாய ஸுசரிதம் சரந்தி, மனஸா ஸுசரிதம் சரந்தி, ஸுபுப்³ப³ண்ஹோ, பி⁴க்க²வே, தேஸம் ஸத்தானம்.

‘‘யே, பி⁴க்க²வே, ஸத்தா மஜ்ஜ²ன்ஹிகஸமயம் காயேன ஸுசரிதம் சரந்தி, வாசாய ஸுசரிதம் சரந்தி, மனஸா ஸுசரிதம் சரந்தி, ஸுமஜ்ஜ²ன்ஹிகோ, பி⁴க்க²வே, தேஸம் ஸத்தானம்.

‘‘யே, பி⁴க்க²வே, ஸத்தா ஸாயன்ஹஸமயம் காயேன ஸுசரிதம் சரந்தி, வாசாய ஸுசரிதம் சரந்தி, மனஸா ஸுசரிதம் சரந்தி, ஸுஸாயன்ஹோ, பி⁴க்க²வே, தேஸம் ஸத்தான’’ந்தி.

‘‘ஸுனக்க²த்தம் ஸுமங்க³லம், ஸுப்பபா⁴தம் ஸுஹுட்டி²தம் [ஸுவுட்டி²தம் (ஸீ. பீ.)];

ஸுக²ணோ ஸுமுஹுத்தோ ச, ஸுயிட்ட²ம் ப்³ரஹ்மசாரிஸு.

‘‘பத³க்கி²ணம் காயகம்மம், வாசாகம்மம் பத³க்கி²ணம்;

பத³க்கி²ணம் மனோகம்மம், பணீதி⁴ தே பத³க்கி²ணே [பணிதி⁴யோ பத³க்கி²ணா (ஸீ. பீ.), பணிதி⁴ தே பத³க்கி²ணா (ஸ்யா. கம்.)];

பத³க்கி²ணானி கத்வான, லப⁴ந்தத்தே² [லப⁴தத்தே² (ஸீ. பீ.)] பத³க்கி²ணே.

‘‘தே அத்த²லத்³தா⁴ ஸுகி²தா, விருள்ஹா பு³த்³த⁴ஸாஸனே;

அரோகா³ ஸுகி²தா ஹோத², ஸஹ ஸப்³பே³ஹி ஞாதிபீ⁴’’தி. த³ஸமம்;

மங்க³லவக்³கோ³ பஞ்சமோ.