6. අට්ඨමකස්ස ඉන්ද්රියකථාවණ්ණනා
371. ලොකුත්තරානංයෙව සද්ධාදීනං ඉන්ද්රියභාවො, න ලොකියානන්ති පරවාදිනො අධිප්පායවසෙනාහ ‘‘අප්පටිලද්ධින්ද්රියත්තා’’තිආදි. තත්ථ නිය්යානිකානි භාවෙන්තොති යථා නිය්යානිකා හොන්ති, එවං උප්පාදෙන්තො බ්රූහෙන්තො වා. ඉන්ද්රියභාවං පන පත්තෙසු තෙසු පුන භාවනාකිච්චං නත්ථීති තස්ස අධිප්පායොති දස්සෙන්තො ආහ ‘‘න පන ඉන්ද්රියානි භාවෙන්තො’’ති.
අට්ඨමකස්ස ඉන්ද්රියකථාවණ්ණනා නිට්ඨිතා.