6. ථාලකනිද්දෙසවණ්ණනා

71-2. දාරු …පෙ… වෙළුරියාමයා අකප්පියා, ඵලිකාකාචකංසජා ථාලකා ගිහිසන්තකා සඞ්ඝිකා ච කප්පියා, තුම්බඝටිජා තාවකාලිකා කප්පියාති සම්බන්ධො. කප්පන්ති පරිකප්පන්ති අවිරොධිභාවෙනෙවාති කප්පා, තථා කප්පියා. න කප්පා අකප්පා. සඞ්ඝස්ස ඉමෙ සඞ්ඝිකා. තාව-සද්දො අවධිම්හි. තාව භොජනාවධිභූතො කාලො එතාසන්ති තාවකාලිකා, භුඤ්ජිත්වා ඡඩ්ඩෙතබ්බා, න පරිහරිතබ්බාති අධිප්පායො.

ථාලකනිද්දෙසවණ්ණනා නිට්ඨිතා.