5. ඌනවීසතිවස්සසික්ඛාපදවණ්ණනා

ගබ්භවීසොපි හි ‘‘පරිපුණ්ණවීසො’’ ත්වෙව සඞ්ඛං ගච්ඡතීති ආහ ‘‘පටිසන්ධිග්ගහණතො පට්ඨායා’’තිආදි. තත්ථ පටිසන්ධිග්ගහණතො පට්ඨායාති යං මාතුකුච්ඡිස්මිං පඨමං චිත්තං උප්පන්නං පඨමං විඤ්ඤාණං පාතුභූතං, තං ආදිං කත්වා. සොති යො පුග්ගලො ඌනවීසතිවස්සො උපසම්පාදිතො, සො පුග්ගලො. අඤ්ඤං උපසම්පාදෙතීති උපජ්ඣායො වා කම්මවාචාචරියො වා හුත්වා අඤ්ඤං පුග්ගලං උපසම්පාදෙති. තන්ති ඌනවීසතිවස්සං පුග්ගලං. සීමං වා සම්මන්නතීති නවං සීමං බන්ධති.

ඌනවීසතිවස්සසික්ඛාපදවණ්ණනා නිට්ඨිතා.