10. අපනිධානසික්ඛාපදවණ්ණනා
අධිට්ඨානුපගන්ති අධිට්ඨානයොග්ගං අයොපත්තඤ්චෙව මත්තිකාපත්තඤ්ච. සූකරන්තකං නාම කුඤ්චිකාකොසො විය අන්තො සුසිරං කත්වා කොට්ටිතං.
අඤ්ඤං පරික්ඛාරන්ති පාළියා අනාගතපත්තත්ථවිකාදිං. ධම්මකථං කත්වාති ‘‘සමණෙන නාම අනිහිතපරික්ඛාරෙන භවිතුං න වට්ටතී’’ති එවං ‘‘ධම්මකථං කථෙත්වා දස්සාමී’’ති නික්ඛිපතො අනාපත්ති.
අපනිධානසික්ඛාපදවණ්ණනා නිට්ඨිතා.
සුරාපානවග්ගො ඡට්ඨො.