336. බ්‍රහාඡත්තජාතකං (4-4-6)
141. තිණං තිණන්ති ලපසි, කො නු තෙ තිණමාහරි;
කිං නු තෙ තිණකිච්චත්ථි, තිණමෙව පභාසසි.
142. ඉධාගමා බ්‍රහ්මචාරී, බ්‍රහා ඡත්තො බහුස්සුතො;
සො මෙ [සො වෙ (ක.)] සබ්බං සමාදාය, තිණං නික්ඛිප්ප ගච්ඡති.
143. එවෙතං හොති කත්තබ්බං, අප්පෙන බහුමිච්ඡතා;
සබ්බං සකස්ස ආදානං, අනාදානං තිණස්ස ච. ( ) [(තිණස්ස චාටීසු ගතො, තත්ථ කා පරිදෙවනා) (සී. ස්‍යා.) (චාටීසු පක්ඛිපිත්වාන, තත්ථ කා පරිදෙවනා) (ක.)]
144. සීලවන්තො න කුබ්බන්ති, බාලො සීලානි කුබ්බති;
අනිච්චසීලං දුස්සීල්‍යං [දුස්සීලං (පී.)], කිං පණ්ඩිච්චං කරිස්සතීති.
බ්‍රහාඡත්තජාතකං ඡට්ඨං.