333. පක්කගොධජාතකං (4-4-3)
129. තදෙව මෙ ත්වං විදිතො, වනමජ්ඣෙ රථෙසභ;
යස්ස තෙ ඛග්ගබද්ධස්ස, සන්නද්ධස්ස තිරීටිනො;
අස්සත්ථදුමසාඛාය, පක්කා ගොධා පලායථ.
130. නමෙ නමන්තස්ස භජෙ භජන්තං, කිච්චානුකුබ්බස්ස කරෙය්‍ය කිච්චං;
නානත්ථකාමස්ස කරෙය්‍ය අත්ථං, අසම්භජන්තම්පි න සම්භජෙය්‍ය.
131. චජෙ චජන්තං වනථං න කයිරා, අපෙතචිත්තෙන න සම්භජෙය්‍ය;
දිජො දුමං ඛීණඵලන්ති [ඵලංව (ක. සී. ස්‍යා. ක.), දුකනිපාතෙ පුටභත්තජාතකෙන සංසන්දෙතබ්බං] ඤත්වා, අඤ්ඤං සමෙක්ඛෙය්‍ය මහා හි ලොකො.
132. සො තෙ කරිස්සාමි යථානුභාවං, කතඤ්ඤුතං ඛත්තියෙ [ඛත්තියො (ස්‍යා. ක.)] පෙක්ඛමානො;
සබ්බඤ්ච තෙ ඉස්සරියං දදාමි, යස්සිච්ඡසී තස්ස තුවං දදාමීති.
පක්කගොධජාතකං [ගොධජාතකං (සී. ස්‍යා. පී.)] තතියං.