331. කොකිලජාතකං (4-4-1)
121. යො වෙ කාලෙ අසම්පත්තෙ, අතිවෙලං පභාසති;
එවං සො නිහතො සෙති, කොකිලායිව අත්‍රජො.
122. න හි සත්ථං සුනිසිතං, විසං හලාහලාමිව [හලාහලං ඉව (පී.)];
එවං නිකට්ඨෙ [නික්කඩ්ඪෙ (ස්‍යා.), නිකඩ්ඪෙ (ක.)] පාතෙති, වාචා දුබ්භාසිතා යථා.
123. තස්මා කාලෙ අකාලෙ වා [අකාලෙ ච (සී. ස්‍යා.)], වාචං රක්ඛෙය්‍ය පණ්ඩිතො;
නාතිවෙලං පභාසෙය්‍ය, අපි අත්තසමම්හි වා.
124. යො ච කාලෙ මිතං භාසෙ, මතිපුබ්බො විචක්ඛණො;
සබ්බෙ අමිත්තෙ ආදෙති, සුපණ්ණො උරගාමිවාති.
කොකිලජාතකං [කොකාලිකජාතකං (සබ්බත්ථ)] පඨමං.