278. මහිංසරාජජාතකං (3-3-8)

82. කිමත්ථ [කමත්ථ (සී. පී.)] මභිසන්ධාය, ලහුචිත්තස්ස දුබ්භිනො [දූභිනො (සී. පී.)];

සබ්බකාමදදස්සෙව [දුහස්සෙව (සී. ස්‍යා. පී.), රහස්සෙව (ක.)], ඉමං දුක්ඛං තිතික්ඛසි.

83. සිඞ්ගෙන නිහනාහෙතං, පදසා ච අධිට්ඨහ;

භිය්‍යො [භීයො (සී.)] බාලා පකුජ්ඣෙය්‍යුං, නො චස්ස පටිසෙධකො.

84. මමෙවායං මඤ්ඤමානො, අඤ්ඤෙපෙවං [අඤ්ඤම්පෙවං (සී. ස්‍යා. පී.)] කරිස්සති;

තෙ නං තත්ථ වධිස්සන්ති, සා මෙ මුත්ති භවිස්සතීති.

මහිංසරාජජාතකං [මහිසජාතකං (සී. ස්‍යා. පී.)] අට්ඨමං.