1. නාගසමාලත්ථෙරඅපදානං

1. ‘‘අපාටලිං අහං පුප්ඵං, උජ්ඣිතං සුමහාපථෙ;

ථූපම්හි අභිරොපෙසිං, සිඛිනො ලොකබන්ධුනො.

2. ‘‘එකත්තිංසෙ ඉතො කප්පෙ, යං කම්මමකරිං තදා;

දුග්ගතිං නාභිජානාමි, ථූපපූජායිදං ඵලං.

3. ‘‘ඉතො පන්නරසෙ කප්පෙ, භූමියො [පුප්ඵියො (ස්‍යා.)] නාම ඛත්තියො;

සත්තරතනසම්පන්නො, චක්කවත්තී මහබ්බලො.

4. ‘‘පටිසම්භිදා චතස්සො, විමොක්ඛාපි ච අට්ඨිමෙ;

ඡළභිඤ්ඤා සච්ඡිකතා, කතං බුද්ධස්ස සාසනං’’.

ඉත්ථං සුදං ආයස්මා නාගසමාලො ථෙරො ඉමා ගාථායො අභාසිත්ථාති.

නාගසමාලත්ථෙරස්සාපදානං පඨමං.