2. පදසඤ්ඤකත්ථෙරඅපදානං

5. ‘‘අක්කන්තඤ්ච පදං දිස්වා, තිස්සස්සාදිච්චබන්ධුනො;

හට්ඨො හට්ඨෙන චිත්තෙන, පදෙ චිත්තං පසාදයිං.

6. ‘‘ද්වෙනවුතෙ ඉතො කප්පෙ, යං සඤ්ඤමලභිං තදා;

දුග්ගතිං නාභිජානාමි, පදසඤ්ඤායිදං ඵලං.

7. ‘‘ඉතො සත්තමකෙ කප්පෙ, සුමෙධො නාම ඛත්තියො;

සත්තරතනසම්පන්නො, චක්කවතී මහබ්බලො.

8. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා පදසඤ්ඤකො ථෙරො ඉමා ගාථායො අභාසිත්ථාති.

පදසඤ්ඤකත්ථෙරස්සාපදානං දුතියං.