3. සයනදායකත්ථෙරඅපදානං

20. ‘‘පදුමුත්තරබුද්ධස්ස, සබ්බලොකානුකම්පිනො;

සයනං තස්ස පාදාසිං, විප්පසන්නෙන චෙතසා.

21. ‘‘තෙන සයනදානෙන, සුඛෙත්තෙ බීජසම්පදා;

භොගා නිබ්බත්තරෙ තස්ස, සයනස්ස ඉදං ඵලං.

22. ‘‘ආකාසෙ සෙය්‍යං කප්පෙමි, ධාරෙමි පථවිං ඉමං;

පාණෙසු මෙ ඉස්සරියං, සයනස්ස ඉදං ඵලං.

23. ‘‘පඤ්චකප්පසහස්සම්හි, අට්ඨ ආසුං මහාතෙජා [මහාවරා (සී.), මහාවීරා (ස්‍යා.)];

චතුත්තිංසෙ කප්පසතෙ, චතුරො ච මහබ්බලා.

24. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා සයනදායකො ථෙරො ඉමා ගාථායො අභාසිත්ථාති.

සයනදායකත්ථෙරස්සාපදානං තතියං.