2. නදීකස්සපත්ථෙරඅපදානං

29. ‘‘පදුමුත්තරස්ස භගවතො, ලොකජෙට්ඨස්ස තාදිනො;

පිණ්ඩචාරං චරන්තස්ස, වාරතො උත්තමං යසං;

අග්ගඵලං ගහෙත්වාන, අදාසිං සත්ථුනො අහං.

30. ‘‘තෙන කම්මෙන දෙවින්දො, ලොකජෙට්ඨො නරාසභො;

සම්පත්තොම්හි අචලං ඨානං, හිත්වා ජයපරාජයං.

31. ‘‘සතසහස්සිතො කප්පෙ, යං ඵලං අදදිං තදා;

දුග්ගතිං නාභිජානාමි, අග්ගදානස්සිදං ඵලං.

32. ‘‘කිලෙසා ඣාපිතා මය්හං…පෙ… විහරාමි අනාසවො.

33. ‘‘ස්වාගතං වත මෙ ආසි…පෙ… කතං බුද්ධස්ස සාසනං.

34. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා නදීකස්සපො ථෙරො ඉමා ගාථායො

අභාසිත්ථාති.

නදීකස්සපත්ථෙරස්සාපදානං දුතියං.