3. ගයාකස්සපත්ථෙරඅපදානං

35. ‘‘අජිනචම්මවත්ථොහං [අජිනවත්තං නිවත්තොහං (සී.)], ඛාරිභාරධරො තදා;

ඛාරිකං හාරයිත්වාන, කොලං අහාසි අස්සමං.

36. ‘‘භගවා තම්හි සමයෙ, එකො අදුතියො ජිනො;

මමස්සමං උපාගච්ඡි, ජොතෙන්තො සබ්බකාලිකං.

37. ‘‘සකං චිත්තං පසාදෙත්වා, අභිවාදෙත්වාන සුබ්බතං;

උභො හත්ථෙහි පග්ගය්හ, කොලං බුද්ධස්සදාසහං.

38. ‘‘එකතිංසෙ ඉතො කප්පෙ, යං ඵලං අදදිං තදා;

දුග්ගතිං නාභිජානාමි, කොලදානස්සිදං ඵලං.

39. ‘‘කිලෙසා ඣාපිතා මය්හං…පෙ… විහරාමි අනාසවො.

40. ‘‘ස්වාගතං වත මෙ ආසි…පෙ… කතං බුද්ධස්ස සාසනං.

41. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා ගයාකස්සපො ථෙරො ඉමා ගාථායො

අභාසිත්ථාති.

ගයාකස්සපත්ථෙරස්සාපදානං තතියං.