7. සයනදායකත්ථෙරඅපදානං

88. ‘‘සිද්ධත්ථස්ස භගවතො, මෙත්තචිත්තස්ස තාදිනො;

සයනග්ගං මයා දින්නං, දුස්සභණ්ඩෙහි [දුස්සභණ්ඩෙන (ස්‍යා.)] අත්ථතං.

89. ‘‘පටිග්ගහෙසි භගවා, කප්පියං සයනාසනං;

උට්ඨාය සයනා [ආසනා (සී.)] තම්හා, වෙහාසං උග්ගමී ජිනො.

90. ‘‘චතුන්නවුතිතො කප්පෙ, යං සයනමදාසහං;

දුග්ගතිං නාභිජානාමි, සයනස්ස ඉදං ඵලං.

91. ‘‘එකපඤ්ඤාසිතො කප්පෙ, වරකො [වරුණො (සී. ස්‍යා.)] දෙවසව්හයො;

සත්තරතනසම්පන්නො, චක්කවත්තී මහබ්බලො.

92. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා සයනදායකො ථෙරො ඉමා ගාථායො අභාසිත්ථාති.

සයනදායකත්ථෙරස්සාපදානං සත්තමං.