9. තින්දුකඵලදායකත්ථෙරඅපදානං

59. ‘‘කණිකාරංව ජොතන්තං, නිසින්නං පබ්බතන්තරෙ;

අද්දසං විරජං බුද්ධං, ඔඝතිණ්ණමනාසවං.

60. ‘‘තින්දුකං සඵලං දිස්වා, භින්දිත්වාන සකොසකං [සකොටකං (සී.), සකොටිකං (ස්‍යා.)];

පසන්නචිත්තො සුමනො, සයම්භුස්ස මදාසහං [වෙස්සභුස්ස අදාසහං (සී.)].

61. ‘‘එකනවුතිතො කප්පෙ, යං ඵලමදදිං තදා;

දුග්ගතිං නාභිජානාමි, ඵලදානස්සිදං ඵලං.

62. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා තින්දුකඵලදායකො ථෙරො ඉමා ගාථායො අභාසිත්ථාති.

තින්දුකඵලදායකත්ථෙරස්සාපදානං නවමං.