6. පාදපූජකත්ථෙරඅපදානං

27. ‘‘පබ්බතෙ හිමවන්තම්හි, අහොසිං කින්නරො තදා;

අද්දසං විරජං බුද්ධං, පීතරංසිංව භාණුමං.

28. ‘‘උපෙතං තමහං [උපෙතොපි තදා (ස්‍යා.), උපෙසිං තමහං (?)] බුද්ධං, විපස්සිං ලොකනායකං;

චන්දනං තගරඤ්චාපි, පාදෙ ඔසිඤ්චහං තදා.

29. ‘‘එකනවුතිතො කප්පෙ, යං පාදං අභිපූජයිං;

දුග්ගතිං නාභිජානාමි, පාදපූජායිදං ඵලං.

30. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා පාදපූජකො ථෙරො ඉමා ගාථායො අභාසිත්ථාති.

පාදපූජකත්ථෙරස්සාපදානං ඡට්ඨං.