4. සද්දසඤ්ඤකත්ථෙරඅපදානං
17. ‘‘අනුග්ගතම්හි ආදිච්චෙ, පනාදො [පසාදො (ස්‍යා. අට්ඨ.)] විපුලො අහු;
බුද්ධසෙට්ඨස්ස ලොකම්හි, පාතුභාවො මහෙසිනො.
18. ‘‘ඝොස [සද්ද (සී. ස්‍යා.)] මස්සොසහං තත්ථ, න ච පස්සාමි තං ජිනං;
මරණඤ්ච අනුප්පත්තො, බුද්ධසඤ්ඤමනුස්සරිං.
19. ‘‘චතුන්නවුතිතො කප්පෙ, යං සඤ්ඤමලභිං තදා;
දුග්ගතිං නාභිජානාමි, බුද්ධපූජායිදං ඵලං.
20. ‘‘පටිසම්භිදා චතස්සො…පෙ… කතං බුද්ධස්ස සාසනං’’.
ඉත්ථං සුදං ආයස්මා සද්දසඤ්ඤකො ථෙරො ඉමා ගාථායො අභාසිත්ථාති.
සද්දසඤ්ඤකත්ථෙරස්සාපදානං චතුත්ථං.