6. ධූපදායකත්ථෙරඅපදානං

161. ‘‘සිද්ධත්ථස්ස භගවතො, ලොකජෙට්ඨස්ස තාදිනො;

කුටිධූපං මයා දින්නං, විප්පසන්නෙන චෙතසා.

162. යං යං යොනුපපජ්ජාමි, දෙවත්තං අථ මානුසං;

සබ්බෙසම්පි පියො හොමි, ධූපදානස්සිදං ඵලං.

163. ‘‘චතුන්නවුතිතො කප්පෙ, යං ධූපමදදිං තදා [යං ධූපනමදාසහං (ක.)];

දුග්ගතිං නාභිජානාමි, ධූපදානස්සිදං ඵලං.

164. ‘‘පටිසම්භිදා චතස්සො, විමොක්ඛාපි ච අට්ඨිමෙ;

ඡළභිඤ්ඤා සච්ඡිකතා, කතං බුද්ධස්ස සාසනං’’.

ඉත්ථං සුදං ආයස්මා ධූපදායකො ථෙරො ඉමා ගාථායො අභාසිත්ථාති.

ධූපදායකත්ථෙරස්සාපදානං ඡට්ඨං.