8. පණ්ණදායකත්ථෙරඅපදානං

28. ‘‘පබ්බතෙ හිමවන්තම්හි, වාකචීරධරො අහං;

අලොණපණ්ණභක්ඛොම්හි, නියමෙසු ච සංවුතො.

29. ‘‘පාතරාසෙ අනුප්පත්තෙ, සිද්ධත්ථො උපගච්ඡි මං;

තාහං බුද්ධස්ස පාදාසිං, පසන්නො සෙහි පාණිභි.

30. ‘‘චතුන්නවුතිතො කප්පෙ, යං පණ්ණමදදිං තදා;

දුග්ගතිං නාභිජානාමි, පණ්ණදානස්සිදං ඵලං.

31. ‘‘සත්තවීසතිකප්පම්හි, රාජා ආසිං සදත්ථියො [යදත්ථියො (සී. ස්‍යා.)];

සත්තරතනසම්පන්නො, චක්කවත්තී මහබ්බලො.

32. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා පණ්ණදායකො ථෙරො ඉමා ගාථායො අභාසිත්ථාති.

පණ්ණදායකත්ථෙරස්සාපදානං අට්ඨමං.