9. කුටිදායකත්ථෙරඅපදානං
33. ‘‘විපිනචාරී සම්බුද්ධො, රුක්ඛමූලෙ වසී තදා;
පණ්ණසාලං කරිත්වාන, අදාසිං අපරාජිතෙ.
34. ‘‘එකනවුතිතො කප්පෙ, යං පණ්ණකුටිකං අදං;
දුග්ගතිං නාභිජානාමි, කුටිදානස්සිදං ඵලං.
35. ‘‘අට්ඨවීසෙ [අට්ඨතිංසෙ (ස්යා.)] ඉතො කප්පෙ, සොළසාසිංසු රාජානො;
සබ්බත්ථ අභිවස්සීති, වුච්චරෙ චක්කවත්තිනො.
36. ‘‘පටිසම්භිදා චතස්සො…පෙ… කතං බුද්ධස්ස සාසනං’’.
ඉත්ථං සුදං ආයස්මා කුටිදායකො ථෙරො ඉමා ගාථායො අභාසිත්ථාති.
කුටිදායකත්ථෙරස්සාපදානං නවමං.