7. මඤ්ජරිපූජකත්ථෙරඅපදානං

23. ‘‘මඤ්ජරිකං කරිත්වාන, රථියං පටිපජ්ජහං;

අද්දසං සමණානග්ගං, භික්ඛුසඞ්ඝපුරක්ඛතං.

24. ‘‘පසන්නචිත්තො සුමනො, පරමාය ච පීතියා;

උභො හත්ථෙහි පග්ගය්හ, බුද්ධස්ස අභිරොපයිං.

25. ‘‘ද්වෙනවුතෙ ඉතො කප්පෙ, යං පුප්ඵමභිපූජයිං;

දුග්ගතිං නාභිජානාමි, පුප්ඵපූජායිදං ඵලං.

26. ‘‘ඉතො තෙසත්තතිකප්පෙ, එකො ආසිං මහීපති;

ජොතියො නාම නාමෙන, චක්කවත්තී මහබ්බලො.

27. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා මඤ්ජරිපූජකො ථෙරො ඉමා ගාථායො අභාසිත්ථාති.

මඤ්ජරිපූජකත්ථෙරස්සාපදානං සත්තමං.