5. නිග්ගුණ්ඩිපුප්ඵියත්ථෙරඅපදානං
21. ‘‘විපස්සිස්ස භගවතො, ආසිමාරාමිකො අහං;
නිග්ගුණ්ඩිපුප්ඵං පග්ගය්හ, බුද්ධස්ස අභිරොපයිං.
22. ‘‘එකනවුතිතො කප්පෙ, යං පුප්ඵමභිපූජයිං;
දුග්ගතිං නාභිජානාමි, බුද්ධපූජායිදං ඵලං.
23. ‘‘පඤ්චවීසෙ [පඤ්චතිංසෙ (සී. ස්‍යා.)] ඉතො කප්පෙ, එකො ආසිං ජනාධිපො;
මහාපතාපනාමෙන, චක්කවත්තී මහබ්බලො.
24. ‘‘පටිසම්භිදා චතස්සො…පෙ… කතං බුද්ධස්ස සාසනං’’.
ඉත්ථං සුදං ආයස්මා නිග්ගුණ්ඩිපුප්ඵියො ථෙරො ඉමා ගාථායො අභාසිත්ථාති.
නිග්ගුණ්ඩිපුප්ඵියත්ථෙරස්සාපදානං පඤ්චමං.