8. මිඤ්ජවටංසකියත්ථෙරඅපදානං

39. ‘‘නිබ්බුතෙ ලොකනාථම්හි, සිඛිම්හි වදතං වරෙ;

වටංසකෙහි ආකිණ්ණං, බොධිපූජං අකාසහං.

40. ‘‘එකත්තිංසෙ ඉතො කප්පෙ, යං පූජමකරිං තදා;

දුග්ගතිං නාභිජානාමි, බොධිපූජායිදං ඵලං.

41. ‘‘ඉතො ඡබ්බීසතිකප්පෙ, අහුං මෙඝබ්භනාමකො;

සත්තරතනසම්පන්නො, චක්කවත්තී මහබ්බලො.

42. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා මිඤ්ජවටංසකියො ථෙරො ඉමා ගාථායො අභාසිත්ථාති.

මිඤ්ජවටංසකියත්ථෙරස්සාපදානං අට්ඨමං.