2. සුචින්තිකත්ථෙරඅපදානං

8. ‘‘තිස්සස්ස ලොකනාථස්ස, සුද්ධපීඨමදාසහං;

හට්ඨො හට්ඨෙන චිත්තෙන, බුද්ධස්සාදිච්චබන්ධුනො.

9. ‘‘අට්ඨාරසෙ [අට්ඨතිංසෙ (සී. ස්‍යා.)] ඉතො කප්පෙ, රාජා ආසිං මහාරුචි;

භොගො ච විපුලො ආසි, සයනඤ්ච අනප්පකං.

10. ‘‘පීඨං බුද්ධස්ස දත්වාන, විප්පසන්නෙන චෙතසා;

අනුභොමි සකං කම්මං, පුබ්බෙ සුකතමත්තනො.

11. ‘‘ද්වෙනවුතෙ ඉතො කප්පෙ, යං පීඨමදදිං තදා;

දුග්ගතිං නාභිජානාමි, පීඨදානස්සිදං ඵලං.

12. ‘‘අට්ඨතිංසෙ ඉතො කප්පෙ, තයො තෙ චක්කවත්තිනො;

රුචි උපරුචි චෙව, මහාරුචි තතියකො.

13. ‘‘පටිසම්භිදා චතස්සො…පෙ… කතං බුද්ධස්ස සාසනං’’.

ඉත්ථං සුදං ආයස්මා සුචින්තිකො ථෙරො ඉමා ගාථායො අභාසිත්ථාති.

සුචින්තිකත්ථෙරස්සාපදානං දුතියං.