(4) තිස්සො අකුසලධාතුයො
912. තත්ථ කතමා තිස්සො අකුසලධාතුයො? කාමධාතු, බ්‍යාපාදධාතු, විහිංසාධාතු.
තත්ථ කතමා කාමධාතු? කාමවිතක්කො කාමධාතු. බ්‍යාපාදවිතක්කො බ්‍යාපාදධාතු. විහිංසාවිතක්කො විහිංසාධාතු.
(ක) තත්ථ කතමො කාමවිතක්කො? කාමපටිසංයුත්තො තක්කො විතක්කො මිච්ඡාසඞ්කප්පො – අයං වුච්චති ‘‘කාමවිතක්කො’’.
(ඛ) තත්ථ කතමො බ්‍යාපාදවිතක්කො? බ්‍යාපාදපටිසංයුත්තො තක්කො විතක්කො මිච්ඡාසඞ්කප්පො – අයං වුච්චති ‘‘බ්‍යාපාදවිතක්කො’’.
(ග) තත්ථ කතමො විහිංසාවිතක්කො? විහිංසාපටිසංයුත්තො තක්කො විතක්කො මිච්ඡාසඞ්කප්පො – අයං වුච්චති ‘‘විහිංසාවිතක්කො’’. ඉමා තිස්සො අකුසලධාතුයො.