(2) තයො අකුසලවිතක්කා
910. තත්ථ කතමෙ තයො අකුසලවිතක්කා? කාමවිතක්කො, බ්‍යාපාදවිතක්කො, විහිංසාවිතක්කො.
(ක) තත්ථ කතමො කාමවිතක්කො? කාමපටිසංයුත්තො තක්කො විතක්කො මිච්ඡාසඞ්කප්පො – අයං වුච්චති ‘‘කාමවිතක්කො’’.
(ඛ) තත්ථ කතමො බ්‍යාපාදවිතක්කො? බ්‍යාපාදපටිසංයුත්තො තක්කො විතක්කො මිච්ඡාසඞ්කප්පො – අයං වුච්චති ‘‘බ්‍යාපාදවිතක්කො’’.
(ග) තත්ථ කතමො විහිංසාවිතක්කො? විහිංසාපටිසංයුත්තො තක්කො විතක්කො මිච්ඡාසඞ්කප්පො – අයං වුච්චති ‘‘විහිංසාවිතක්කො’’. ඉමෙ තයො අකුසලවිතක්කා.