1-6. පටිච්චවාරාදි

පච්චයචතුක්කං

හෙතුපච්චයො

210. හෙතුං සවිතක්කසවිචාරං ධම්මං පටිච්ච හෙතු සවිතක්කසවිචාරො ධම්මො උප්පජ්ජති හෙතුපච්චයා. හෙතුං සවිතක්කසවිචාරං ධම්මං පටිච්ච නහෙතු සවිතක්කසවිචාරො ධම්මො උප්පජ්ජති හෙතුපච්චයා. හෙතුං සවිතක්කසවිචාරං ධම්මං පටිච්ච හෙතු සවිතක්කසවිචාරො ච නහෙතු සවිතක්කසවිචාරො ච ධම්මා උප්පජ්ජන්ති හෙතුපච්චයා. (3)

නහෙතුං සවිතක්කසවිචාරං ධම්මං පටිච්ච නහෙතු සවිතක්කසවිචාරො ධම්මො උප්පජ්ජති හෙතුපච්චයා… තීණි.

හෙතුං සවිතක්කසවිචාරඤ්ච නහෙතුං සවිතක්කසවිචාරඤ්ච ධම්මං පටිච්ච හෙතු සවිතක්කසවිචාරො ධම්මො උප්පජ්ජති හෙතුපච්චයා… තීණි (සංඛිත්තං).

211. හෙතුයා නව, ආරම්මණෙ නව, අධිපතියා නව, අනන්තරෙ නව, සමනන්තරෙ නව…පෙ… කම්මෙ නව, විපාකෙ නව…පෙ… අවිගතෙ නව (සංඛිත්තං).

නහෙතු-නඅධිපතිපච්චයා

212. නහෙතුං සවිතක්කසවිචාරං ධම්මං පටිච්ච නහෙතු සවිතක්කසවිචාරො ධම්මො උප්පජ්ජති නහෙතුපච්චයා… ද්වෙ.

හෙතුං සවිතක්කසවිචාරං ධම්මං පටිච්ච හෙතු සවිතක්කසවිචාරො ධම්මො උප්පජ්ජති නඅධිපතිපච්චයා (සංඛිත්තං).

213. නහෙතුයා ද්වෙ, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නමග්ගෙ එකං, නවිප්පයුත්තෙ නව (සංඛිත්තං).

හෙතුපච්චයා නඅධිපතියා නව (සංඛිත්තං).

නහෙතුපච්චයා ආරම්මණෙ ද්වෙ (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)