1-1 හෙතුදුක-කුසලත්තිකං

1. කුසලපදං

1-6. පටිච්චවාරාදි

පච්චයචතුක්කං

හෙතුපච්චයො

1. හෙතුං කුසලං ධම්මං පටිච්ච හෙතු කුසලො ධම්මො උප්පජ්ජති හෙතුපච්චයා. හෙතුං කුසලං ධම්මං පටිච්ච නහෙතු කුසලො ධම්මො උප්පජ්ජති හෙතුපච්චයා. හෙතුං කුසලං ධම්මං පටිච්ච හෙතු කුසලො ච නහෙතු කුසලො ච ධම්මා උප්පජ්ජන්ති හෙතුපච්චයා. (3)

2. නහෙතුං කුසලං ධම්මං පටිච්ච නහෙතු කුසලො ධම්මො උප්පජ්ජති හෙතුපච්චයා. නහෙතුං කුසලං ධම්මං පටිච්ච හෙතු කුසලො ධම්මො උප්පජ්ජති හෙතුපච්චයා. නහෙතුං කුසලං ධම්මං පටිච්ච හෙතු කුසලො ච නහෙතු කුසලො ච ධම්මා උප්පජ්ජන්ති හෙතුපච්චයා. (3)

3. හෙතුං කුසලඤ්ච නහෙතුං කුසලඤ්ච ධම්මං පටිච්ච හෙතු කුසලො ධම්මො උප්පජ්ජති හෙතුපච්චයා. හෙතුං කුසලඤ්ච නහෙතුං කුසලඤ්ච ධම්මං පටිච්ච නහෙතු කුසලො ධම්මො උප්පජ්ජති හෙතුපච්චයා. හෙතුං කුසලඤ්ච නහෙතුං කුසලඤ්ච ධම්මං පටිච්ච හෙතු කුසලො ච නහෙතු කුසලො ච ධම්මා උප්පජ්ජන්ති හෙතුපච්චයා. (3)

ආරම්මණපච්චයො

4. හෙතුං කුසලං ධම්මං පටිච්ච හෙතු කුසලො ධම්මො උප්පජ්ජති ආරම්මණපච්චයා (සංඛිත්තං).

5. හෙතුයා නව, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ නව, ආසෙවනෙ නව, කම්මෙ නව, ආහාරෙ නව, ඉන්ද්‍රියෙ නව, ඣානෙ නව, මග්ගෙ නව, සම්පයුත්තෙ නව, විප්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව (අනුලොමං).

නඅධිපතිපච්චයො

6. හෙතුං කුසලං ධම්මං පටිච්ච හෙතු කුසලො ධම්මො උප්පජ්ජති නඅධිපතිපච්චයා. හෙතුං කුසලං ධම්මං පටිච්ච නහෙතු කුසලො ධම්මො උප්පජ්ජති නඅධිපතිපච්චයා. හෙතුං කුසලං ධම්මං පටිච්ච හෙතු කුසලො ච නහෙතු කුසලො ච ධම්මා උප්පජ්ජන්ති නඅධිපතිපච්චයා. (3)

7. නහෙතුං කුසලං ධම්මං පටිච්ච නහෙතු කුසලො ධම්මො උප්පජ්ජති නඅධිපතිපච්චයා… තීණි.

හෙතුං කුසලඤ්ච නහෙතුං කුසලඤ්ච ධම්මං පටිච්ච හෙතු කුසලො ධම්මො උප්පජ්ජති නඅධිපතිපච්චයා… තීණි.

නපුරෙජාතපච්චයාදි

8. හෙතුං කුසලං ධම්මං පටිච්ච හෙතු කුසලො ධම්මො උප්පජ්ජති නපුරෙජාතපච්චයා… නව… නපච්ඡාජාතපච්චයා… නව… නආසෙවනපච්චයා … නව.

නකම්මපච්චයො

9. හෙතුං කුසලං ධම්මං පටිච්ච නහෙතු කුසලො ධම්මො උප්පජ්ජති නකම්මපච්චයා. (1)

නහෙතුං කුසලං ධම්මං පටිච්ච නහෙතු කුසලො ධම්මො උප්පජ්ජති නකම්මපච්චයා. (1)

හෙතුං කුසලඤ්ච නහෙතුං කුසලඤ්ච ධම්මං පටිච්ච නහෙතු කුසලො ධම්මො උප්පජ්ජති නකම්මපච්චයා. (1)

නවිපාකපච්චයාදි

10. හෙතුං කුසලං ධම්මං පටිච්ච හෙතු කුසලො ධම්මො උප්පජ්ජති නවිපාකපච්චයා… නව…පෙ… නවිප්පයුත්තපච්චයා… නව.

11. නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (පච්චනීයං).

හෙතුපච්චයා නඅධිපතියා නව (සංඛිත්තං, අනුලොම පච්චනීයං).

නඅධිපතිපච්චයා හෙතුයා නව, ආරම්මණෙ නව (සංඛිත්තං, පච්චනීයානුලොමං).

(සහජාතවාරම්පි පච්චයවාරම්පි නිස්සයවාරම්පි සංසට්ඨවාරම්පි සම්පයුත්තවාරම්පි පටිච්චවාරසදිසා විත්ථාරෙතබ්බා.)

7. පඤ්හාවාරො

පච්චයචතුක්කං

හෙතුපච්චයො

12. හෙතු කුසලො ධම්මො හෙතුස්ස කුසලස්ස ධම්මස්ස හෙතුපච්චයෙන පච්චයො. හෙතු කුසලො ධම්මො නහෙතුස්ස කුසලස්ස ධම්මස්ස හෙතුපච්චයෙන පච්චයො. හෙතු කුසලො ධම්මො හෙතුස්ස කුසලස්ස ච නහෙතුස්ස කුසලස්ස ච ධම්මස්ස හෙතුපච්චයෙන පච්චයො. (3)

ආරම්මණපච්චයාදි

13. හෙතු කුසලො ධම්මො හෙතුස්ස කුසලස්ස ධම්මස්ස ආරම්මණපච්චයෙන පච්චයො… තීණි.

නහෙතු කුසලො ධම්මො නහෙතුස්ස කුසලස්ස ධම්මස්ස ආරම්මණපච්චයෙන පච්චයො… තීණි.

හෙතු කුසලො ච නහෙතු කුසලො ච ධම්මා හෙතුස්ස කුසලස්ස ධම්මස්ස ආරම්මණපච්චයෙන පච්චයො… තීණි.

14. හෙතු කුසලො ධම්මො හෙතුස්ස කුසලස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති… තීණි.

නහෙතු කුසලො ධම්මො නහෙතුස්ස කුසලස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති… තීණි.

හෙතු කුසලො ච නහෙතු කුසලො ච ධම්මා හෙතුස්ස කුසලස්ස ධම්මස්ස අධිපතිපච්චයෙන පච්චයො – ආරම්මණාධිපති… තීණි.

අනන්තරපච්චයාදි

15. හෙතු කුසලො ධම්මො හෙතුස්ස කුසලස්ස ධම්මස්ස අනන්තරපච්චයෙන පච්චයො… සමනන්තරපච්චයෙන පච්චයො… සහජාතපච්චයෙන පච්චයො… අඤ්ඤමඤ්ඤපච්චයෙන පච්චයො… නිස්සයපච්චයෙන පච්චයො.

16. හෙතු කුසලො ධම්මො හෙතුස්ස කුසලස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො… තීණි.

නහෙතු කුසලො ධම්මො නහෙතුස්ස කුසලස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො… තීණි.

හෙතු කුසලො ච නහෙතු කුසලො ච ධම්මා හෙතුස්ස කුසලස්ස ධම්මස්ස උපනිස්සයපච්චයෙන පච්චයො – ආරම්මණූපනිස්සයො, අනන්තරූපනිස්සයො, පකතූපනිස්සයො… තීණි, ආසෙවනපච්චයෙන පච්චයො… නව.

17. නහෙතු කුසලො ධම්මො නහෙතුස්ස කුසලස්ස ධම්මස්ස කම්මපච්චයෙන පච්චයො. නහෙතු කුසලො ධම්මො හෙතුස්ස කුසලස්ස ධම්මස්ස කම්මපච්චයෙන පච්චයො. නහෙතු කුසලො ධම්මො හෙතුස්ස කුසලස්ස ච නහෙතුස්ස කුසලස්ස ච ධම්මස්ස කම්මපච්චයෙන පච්චයො. (3)

ආහාරපච්චයාදි

18. නහෙතු කුසලො ධම්මො නහෙතුස්ස කුසලස්ස ධම්මස්ස ආහාරපච්චයෙන පච්චයො… තීණි.

19. හෙතු කුසලො ධම්මො හෙතුස්ස කුසලස්ස ධම්මස්ස ඉන්ද්‍රියපච්චයෙන පච්චයො… නව.

20. නහෙතු කුසලො ධම්මො නහෙතුස්ස කුසලස්ස ධම්මස්ස ඣානපච්චයෙන පච්චයො… තීණි.

21. හෙතු කුසලො ධම්මො හෙතුස්ස කුසලස්ස ධම්මස්ස මග්ගපච්චයෙන පච්චයො… නව.

22. හෙතුයා තීණි, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, ආසෙවනෙ නව, කම්මෙ තීණි, ආහාරෙ තීණි, ඉන්ද්‍රියෙ නව, ඣානෙ තීණි, මග්ගෙ නව, සම්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව.

පච්චනීයුද්ධාරො

23. හෙතු කුසලො ධම්මො හෙතුස්ස කුසලස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… තීණි.

24. නහෙතු කුසලො ධම්මො නහෙතුස්ස කුසලස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. නහෙතු කුසලො ධම්මො හෙතුස්ස කුසලස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. නහෙතු කුසලො ධම්මො හෙතුස්ස කුසලස්ස ච නහෙතුස්ස කුසලස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

25. හෙතු කුසලො ච නහෙතු කුසලො ච ධම්මා හෙතුස්ස කුසලස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… තීණි. (3)

26. නහෙතුයා නව, නආරම්මණෙ නව, නඅධිපතියා නව…පෙ… නොඅවිගතෙ නව (සංඛිත්තං, පච්චනීයං).

හෙතුපච්චයා නආරම්මණෙ තීණි…පෙ… නොනත්ථියා තීණි, නොවිගතෙ තීණි (සංඛිත්තං, අනුලොමපච්චනීයං).

නහෙතුපච්චයා ආරම්මණෙ නව…පෙ… අවිගතෙ නව (සංඛිත්තං, පච්චනීයානුලොමං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)

2. අකුසලපදං

1-6. පටිච්චවාරාදි

පච්චයචතුක්කං

හෙතුපච්චයො

27. හෙතුං අකුසලං ධම්මං පටිච්ච හෙතු අකුසලො ධම්මො උප්පජ්ජති හෙතුපච්චයා. හෙතුං අකුසලං ධම්මං පටිච්ච නහෙතු අකුසලො ධම්මො උප්පජ්ජති හෙතුපච්චයා. හෙතුං අකුසලං ධම්මං පටිච්ච හෙතු අකුසලො ච නහෙතු අකුසලො ච ධම්මා උප්පජ්ජන්ති හෙතුපච්චයා. (3)

28. නහෙතුං අකුසලං ධම්මං පටිච්ච නහෙතු අකුසලො ධම්මො උප්පජ්ජති හෙතුපච්චයා. නහෙතුං අකුසලං ධම්මං පටිච්ච හෙතු අකුසලො ධම්මො උප්පජ්ජති හෙතුපච්චයා. නහෙතුං අකුසලං ධම්මං පටිච්ච හෙතු අකුසලො ච නහෙතු අකුසලො ච ධම්මා උප්පජ්ජන්ති හෙතුපච්චයා. (3)

29. හෙතුං අකුසලඤ්ච නහෙතුං අකුසලඤ්ච ධම්මං පටිච්ච හෙතු අකුසලො ධම්මො උප්පජ්ජති හෙතුපච්චයා. හෙතුං අකුසලඤ්ච නහෙතුං අකුසලඤ්ච ධම්මං පටිච්ච නහෙතු අකුසලො ධම්මො උප්පජ්ජති හෙතුපච්චයා. හෙතුං අකුසලඤ්ච නහෙතුං අකුසලඤ්ච ධම්මං පටිච්ච හෙතු අකුසලො ච නහෙතු අකුසලො ච ධම්මා උප්පජ්ජන්ති හෙතුපච්චයා. (3)

30. හෙතුයා නව, ආරම්මණෙ නව, අධිපතියා නව…පෙ… කම්මෙ නව, ආහාරෙ නව…පෙ… අවිගතෙ නව (සංඛිත්තං, අනුලොමං).

නහෙතුපච්චයො

31. නහෙතුං අකුසලං ධම්මං පටිච්ච හෙතු අකුසලො ධම්මො උප්පජ්ජති නහෙතුපච්චයා. (1)

නඅධිපතිපච්චයාදි

32. හෙතුං අකුසලං ධම්මං පටිච්ච හෙතු අකුසලො ධම්මො උප්පජ්ජති නඅධිපතිපච්චයා… නව…පෙ….

හෙතුං අකුසලං ධම්මං පටිච්ච නහෙතු අකුසලො ධම්මො උප්පජ්ජති නකම්මපච්චයා. (1)

නහෙතුං අකුසලං ධම්මං පටිච්ච නහෙතු අකුසලො ධම්මො උප්පජ්ජති නකම්මපච්චයා. (1)

හෙතුං අකුසලඤ්ච නහෙතුං අකුසලඤ්ච ධම්මං පටිච්ච නහෙතු අකුසලො ධම්මො උප්පජ්ජති නකම්මපච්චයා. (1) (සංඛිත්තං.)

33. නහෙතුයා එකං, නඅධිපතියා නව, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව (පච්චනීයං).

හෙතුපච්චයා නඅධිපතියා නව (සංඛිත්තං, අනුලොමපච්චනීයං).

නහෙතුපච්චයා ආරම්මණෙ එකං (සංඛිත්තං, පච්චනීයානුලොමං).

(සහජාතවාරම්පි පච්චයවාරම්පි නිස්සයවාරම්පි සංසට්ඨවාරම්පි සම්පයුත්තවාරම්පි පටිච්චවාරසදිසා විත්ථාරෙතබ්බා.)

7. පඤ්හාවාරො

පච්චයචතුක්කං

හෙතුපච්චයො

34. හෙතු අකුසලො ධම්මො හෙතුස්ස අකුසලස්ස ධම්මස්ස හෙතුපච්චයෙන පච්චයො. හෙතු අකුසලො ධම්මො නහෙතුස්ස අකුසලස්ස ධම්මස්ස හෙතුපච්චයෙන පච්චයො. හෙතු අකුසලො ධම්මො හෙතුස්ස අකුසලස්ස ච නහෙතුස්ස අකුසලස්ස ච ධම්මස්ස හෙතුපච්චයෙන පච්චයො. (3)

ආරම්මණපච්චයාදි

35. හෙතු අකුසලො ධම්මො හෙතුස්ස අකුසලස්ස ධම්මස්ස ආරම්මණපච්චයෙන පච්චයො… තීණි.

නහෙතු අකුසලො ධම්මො නහෙතුස්ස අකුසලස්ස ධම්මස්ස ආරම්මණපච්චයෙන පච්චයො… තීණි.

හෙතු අකුසලො ච නහෙතු අකුසලො ච ධම්මා හෙතුස්ස අකුසලස්ස ධම්මස්ස ආරම්මණපච්චයෙන පච්චයො… තීණි.

36. හෙතු අකුසලො ධම්මො හෙතුස්ස අකුසලස්ස ධම්මස්ස අධිපතිපච්චයෙන පච්චයො – ආරම්මණාධිපති… තීණි.

නහෙතු අකුසලො ධම්මො නහෙතුස්ස අකුසලස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති… තීණි.

හෙතු අකුසලො ච නහෙතු අකුසලො ච ධම්මා හෙතුස්ස අකුසලස්ස ධම්මස්ස අධිපතිපච්චයෙන පච්චයො – ආරම්මණාධිපති… තීණි…පෙ….

37. නහෙතු අකුසලො ධම්මො නහෙතුස්ස අකුසලස්ස ධම්මස්ස කම්මපච්චයෙන පච්චයො. නහෙතු අකුසලො ධම්මො හෙතුස්ස අකුසලස්ස ධම්මස්ස කම්මපච්චයෙන පච්චයො. නහෙතු අකුසලො ධම්මො හෙතුස්ස අකුසලස්ස ච නහෙතුස්ස අකුසලස්ස ච ධම්මස්ස කම්මපච්චයෙන පච්චයො. (3)

ආහාරපච්චයාදි

38. නහෙතු අකුසලො ධම්මො නහෙතුස්ස අකුසලස්ස ධම්මස්ස ආහාරපච්චයෙන පච්චයො… තීණි.

39. නහෙතු අකුසලො ධම්මො නහෙතුස්ස අකුසලස්ස ධම්මස්ස ඉන්ද්‍රියපච්චයෙන පච්චයො… තීණි.

40. නහෙතු අකුසලො ධම්මො නහෙතුස්ස අකුසලස්ස ධම්මස්ස ඣානපච්චයෙන පච්චයො… තීණි (සංඛිත්තං).

41. හෙතුයා තීණි, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, ආසෙවනෙ නව, කම්මෙ තීණි, ආහාරෙ තීණි, ඉන්ද්‍රියෙ තීණි, ඣානෙ තීණි, මග්ගෙ තීණි, සම්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව.

පච්චනීයුද්ධාරො

42. හෙතු අකුසලො ධම්මො හෙතුස්ස අකුසලස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො (සංඛිත්තං).

43. නහෙතුයා නව, නආරම්මණෙ නව, නඅධිපතියා නව, නඅනන්තරෙ නව, නසමනන්තරෙ නව, නසහජාතෙ නව, නඅඤ්ඤමඤ්ඤෙ නව…පෙ… නොඅවිගතෙ නව (පච්චනීයං).

හෙතුපච්චයා නආරම්මණෙ තීණි (සංඛිත්තං, අනුලොමපච්චනීයං).

නහෙතුපච්චයා ආරම්මණෙ නව (සංඛිත්තං, පච්චනීයානුලොමං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)

3. අබ්‍යාකතපදං

1-6. පටිච්චවාරාදි

පච්චයචතුක්කං

හෙතුපච්චයාදි

44. හෙතුං අබ්‍යාකතං ධම්මං පටිච්ච හෙතු අබ්‍යාකතො ධම්මො උප්පජ්ජති හෙතුපච්චයා. හෙතුං අබ්‍යාකතං ධම්මං පටිච්ච නහෙතු අබ්‍යාකතො ධම්මො උප්පජ්ජති හෙතුපච්චයා. හෙතුං අබ්‍යාකතං ධම්මං පටිච්ච හෙතු අබ්‍යාකතො ච නහෙතු අබ්‍යාකතො ච ධම්මා උප්පජ්ජන්ති හෙතුපච්චයා. (3)

45. නහෙතුං අබ්‍යාකතං ධම්මං පටිච්ච නහෙතු අබ්‍යාකතො ධම්මො උප්පජ්ජති හෙතුපච්චයා… තීණි.

හෙතුං අබ්‍යාකතඤ්ච නහෙතුං අබ්‍යාකතඤ්ච ධම්මං පටිච්ච හෙතු අබ්‍යාකතො ධම්මො උප්පජ්ජති හෙතුපච්චයා… තීණි.

46. හෙතුං අබ්‍යාකතං ධම්මං පටිච්ච හෙතු අබ්‍යාකතො ධම්මො උප්පජ්ජති ආරම්මණපච්චයා (සංඛිත්තං).

47. හෙතුයා නව, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ නව, ආසෙවනෙ නව, කම්මෙ නව, විපාකෙ නව, ආහාරෙ නව, ඉන්ද්‍රියෙ නව, ඣානෙ නව, මග්ගෙ නව, සම්පයුත්තෙ නව, විප්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව (අනුලොමං).

නහෙතු-නආරම්මණපච්චයා

48. නහෙතුං අබ්‍යාකතං ධම්මං පටිච්ච නහෙතු අබ්‍යාකතො ධම්මො උප්පජ්ජති නහෙතුපච්චයා. (1)

49. හෙතුං අබ්‍යාකතං ධම්මං පටිච්ච නහෙතු අබ්‍යාකතො ධම්මො උප්පජ්ජති නආරම්මණපච්චයා. (1)

නහෙතුං අබ්‍යාකතං ධම්මං පටිච්ච නහෙතු අබ්‍යාකතො ධම්මො උප්පජ්ජති නආරම්මණපච්චයා. (1)

හෙතුං අබ්‍යාකතඤ්ච නහෙතුං අබ්‍යාකතඤ්ච ධම්මං පටිච්ච නහෙතු අබ්‍යාකතො ධම්මො උප්පජ්ජති නආරම්මණපච්චයා. (1)

නඅධිපතිපච්චයාදි

50. හෙතුං අබ්‍යාකතං ධම්මං පටිච්ච හෙතු අබ්‍යාකතො ධම්මො උප්පජ්ජති නඅධිපතිපච්චයා… නව…පෙ….

51. හෙතුං අබ්‍යාකතං ධම්මං පටිච්ච නහෙතු අබ්‍යාකතො ධම්මො උප්පජ්ජති නකම්මපච්චයා. (1)

නහෙතුං අබ්‍යාකතං ධම්මං පටිච්ච නහෙතු අබ්‍යාකතො ධම්මො උප්පජ්ජති නකම්මපච්චයා. (1)

හෙතුං අබ්‍යාකතඤ්ච නහෙතුං අබ්‍යාකතඤ්ච ධම්මං පටිච්ච නහෙතු අබ්‍යාකතො ධම්මො උප්පජ්ජති නකම්මපච්චයා. (1)

52. නහෙතුං අබ්‍යාකතං ධම්මං පටිච්ච නහෙතු අබ්‍යාකතො ධම්මො උප්පජ්ජති නආහාරපච්චයා… නඉන්ද්‍රියපච්චයා… නඣානපච්චයා (සංඛිත්තං).

53. නහෙතුයා එකං, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ නව, නොනත්ථියා තීණි, නොවිගතෙ තීණි (පච්චනීයං).

හෙතුපච්චයා නආරම්මණෙ තීණි, නඅධිපතියා නව (සංඛිත්තං, අනුලොමපච්චනීයං).

නහෙතුපච්චයා ආරම්මණෙ එකං (සංඛිත්තං, පච්චනීයානුලොමං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)

7. පඤ්හාවාරො

පච්චයචතුක්කං

හෙතුපච්චයො

54. හෙතු අබ්‍යාකතො ධම්මො හෙතුස්ස අබ්‍යාකතස්ස ධම්මස්ස හෙතුපච්චයෙන පච්චයො. හෙතු අබ්‍යාකතො ධම්මො නහෙතුස්ස අබ්‍යාකතස්ස ධම්මස්ස හෙතුපච්චයෙන පච්චයො. හෙතු අබ්‍යාකතො ධම්මො හෙතුස්ස අබ්‍යාකතස්ස ච නහෙතුස්ස අබ්‍යාකතස්ස ච ධම්මස්ස හෙතුපච්චයෙන පච්චයො. (3)

ආරම්මණපච්චයාදි

55. හෙතු අබ්‍යාකතො ධම්මො හෙතුස්ස අබ්‍යාකතස්ස ධම්මස්ස ආරම්මණපච්චයෙන පච්චයො… නව.

56. හෙතු අබ්‍යාකතො ධම්මො හෙතුස්ස අබ්‍යාකතස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති… තීණි.

නහෙතු අබ්‍යාකතො ධම්මො නහෙතුස්ස අබ්‍යාකතස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති… තීණි.

හෙතු අබ්‍යාකතො ච නහෙතු අබ්‍යාකතො ච ධම්මා හෙතුස්ස අබ්‍යාකතස්ස ධම්මස්ස අධිපතිපච්චයෙන පච්චයො – ආරම්මණාධිපති… තීණි…පෙ….

පුරෙජාතපච්චයාදි

57. නහෙතු අබ්‍යාකතො ධම්මො නහෙතුස්ස අබ්‍යාකතස්ස ධම්මස්ස පුරෙජාතපච්චයෙන පච්චයො… තීණි.

58. හෙතු අබ්‍යාකතො ධම්මො නහෙතුස්ස අබ්‍යාකතස්ස ධම්මස්ස පච්ඡාජාතපච්චයෙන පච්චයො. (1)

නහෙතු අබ්‍යාකතො ධම්මො නහෙතුස්ස අබ්‍යාකතස්ස ධම්මස්ස පච්ඡාජාතපච්චයෙන පච්චයො. (1)

හෙතු අබ්‍යාකතො ච නහෙතු අබ්‍යාකතො ච ධම්මා නහෙතුස්ස අබ්‍යාකතස්ස ධම්මස්ස පච්ඡාජාතපච්චයෙන පච්චයො. (1)

59. නහෙතු අබ්‍යාකතො ධම්මො නහෙතුස්ස අබ්‍යාකතස්ස ධම්මස්ස කම්මපච්චයෙන පච්චයො… තීණි.

60. හෙතු අබ්‍යාකතො ධම්මො හෙතුස්ස අබ්‍යාකතස්ස ධම්මස්ස විපාකපච්චයෙන පච්චයො… නව.

61. නහෙතු අබ්‍යාකතො ධම්මො නහෙතුස්ස අබ්‍යාකතස්ස ධම්මස්ස ආහාරපච්චයෙන පච්චයො… ඉන්ද්‍රියපච්චයෙන පච්චයො… ඣානපච්චයෙන පච්චයො… මග්ගපච්චයෙන පච්චයො… සම්පයුත්තපච්චයෙන පච්චයො.

විප්පයුත්තපච්චයො

62. හෙතු අබ්‍යාකතො ධම්මො නහෙතුස්ස අබ්‍යාකතස්ස ධම්මස්ස විප්පයුත්තපච්චයෙන පච්චයො. (1)

නහෙතු අබ්‍යාකතො ධම්මො නහෙතුස්ස අබ්‍යාකතස්ස ධම්මස්ස විප්පයුත්තපච්චයෙන පච්චයො… තීණි.

හෙතු අබ්‍යාකතො ච නහෙතු අබ්‍යාකතො ච ධම්මා නහෙතුස්ස අබ්‍යාකතස්ස ධම්මස්ස විප්පයුත්තපච්චයෙන පච්චයො. (1) (සංඛිත්තං.)

63. හෙතුයා තීණි, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ තීණි, පච්ඡාජාතෙ තීණි, ආසෙවනෙ නව, කම්මෙ තීණි, විපාකෙ නව, ආහාරෙ තීණි, ඉන්ද්‍රියෙ නව, ඣානෙ තීණි, මග්ගෙ නව, සම්පයුත්තෙ නව, විප්පයුත්තෙ පඤ්ච, අත්ථියා නව, නත්ථියා නව, විගතෙ නව, අවිගතෙ නව.

පච්චනීයුද්ධාරො

64. හෙතු අබ්‍යාකතො ධම්මො හෙතුස්ස අබ්‍යාකතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. හෙතු අබ්‍යාකතො ධම්මො නහෙතුස්ස අබ්‍යාකතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පච්ඡාජාතපච්චයෙන පච්චයො. හෙතු අබ්‍යාකතො ධම්මො හෙතුස්ස අබ්‍යාකතස්ස ච නහෙතුස්ස අබ්‍යාකතස්ස ච ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො. (3)

65. නහෙතු අබ්‍යාකතො ධම්මො නහෙතුස්ස අබ්‍යාකතස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… ආහාරපච්චයෙන පච්චයො… ඉන්ද්‍රියපච්චයෙන පච්චයො.

66. නහෙතුයා නව, නආරම්මණෙ නව, නඅධිපතියා නව (සංඛිත්තං, පච්චනීයං).