7. පඤ්හාවාරො

පච්චයචතුක්කං

හෙතුපච්චයාදි

214. හෙතු සවිතක්කසවිචාරො ධම්මො හෙතුස්ස සවිතක්කසවිචාරස්ස ධම්මස්ස හෙතුපච්චයෙන පච්චයො… තීණි.

හෙතු සවිතක්කසවිචාරො ධම්මො හෙතුස්ස සවිතක්කසවිචාරස්ස ධම්මස්ස ආරම්මණපච්චයෙන පච්චයො… නව.

හෙතු සවිතක්කසවිචාරො ධම්මො හෙතුස්ස සවිතක්කසවිචාරස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති… තීණි.

නහෙතු සවිතක්කසවිචාරො ධම්මො නහෙතුස්ස සවිතක්කසවිචාරස්ස ධම්මස්ස අධිපතිපච්චයෙන පච්චයො – ආරම්මණාධිපති, සහජාතාධිපති… තීණි.

හෙතු සවිතක්කසවිචාරො ච නහෙතු සවිතක්කසවිචාරො ච ධම්මා හෙතුස්ස සවිතක්කසවිචාරස්ස ධම්මස්ස අධිපතිපච්චයෙන පච්චයො – ආරම්මණාධිපති… තීණි (සංඛිත්තං).

215. හෙතුයා තීණි, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, ආසෙවනෙ නව, කම්මෙ තීණි, විපාකෙ නව, ආහාරෙ තීණි, ඉන්ද්‍රියෙ නව, ඣානෙ තීණි, මග්ගෙ නව, සම්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව (සංඛිත්තං).

පච්චනීයුද්ධාරො

216. හෙතු සවිතක්කසවිචාරො ධම්මො හෙතුස්ස සවිතක්කසවිචාරස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො (සංඛිත්තං).

217. නහෙතුයා නව, නආරම්මණෙ නව (සංඛිත්තං).

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා ආරම්මණෙ නව (සංඛිත්තං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)