1-6. පටිච්චවාරාදි

පච්චයචතුක්කං

හෙතුපච්චයො

152. හෙතුං උපාදින්නුපාදානියං ධම්මං පටිච්ච හෙතු උපාදින්නුපාදානියො ධම්මො උප්පජ්ජති හෙතුපච්චයා… තීණි.

නහෙතුං උපාදින්නුපාදානියං ධම්මං පටිච්ච නහෙතු උපාදින්නුපාදානියො ධම්මො උප්පජ්ජති හෙතුපච්චයා… තීණි.

හෙතුං උපාදින්නුපාදානියඤ්ච නහෙතුං උපාදින්නුපාදානියඤ්ච ධම්මං පටිච්ච හෙතු උපාදින්නුපාදානියො ධම්මො උප්පජ්ජති හෙතුපච්චයා… තීණි (සංඛිත්තං).

153. හෙතුයා නව, ආරම්මණෙ නව, අනන්තරෙ නව, සමනන්තරෙ නව…පෙ… කම්මෙ නව, විපාකෙ නව…පෙ… අවිගතෙ නව (සංඛිත්තං).

නහෙතුපච්චයාදි

154. නහෙතුං උපාදින්නුපාදානියං ධම්මං පටිච්ච නහෙතු උපාදින්නුපාදානියො ධම්මො උප්පජ්ජති නහෙතුපච්චයා. (1)

155. හෙතුං උපාදින්නුපාදානියං ධම්මං පටිච්ච නහෙතු උපාදින්නුපාදානියො ධම්මො උප්පජ්ජති නආරම්මණපච්චයා. (1)

නහෙතුං උපාදින්නුපාදානියං ධම්මං පටිච්ච නහෙතු උපාදින්නුපාදානියො ධම්මො උප්පජ්ජති නආරම්මණපච්චයා. (1)

හෙතුං උපාදින්නුපාදානියඤ්ච නහෙතුං උපාදින්නුපාදානියඤ්ච ධම්මං පටිච්ච නහෙතු උපාදින්නුපාදානියො ධම්මො උප්පජ්ජති නආරම්මණපච්චයා. (1)

156. හෙතුං උපාදින්නුපාදානියං ධම්මං පටිච්ච හෙතු උපාදින්නුපාදානියො ධම්මො උප්පජ්ජති නඅධිපතිපච්චයා… නව…පෙ….

157. නහෙතුං උපාදින්නුපාදානියං ධම්මං පටිච්ච නහෙතු උපාදින්නුපාදානියො ධම්මො උප්පජ්ජති නවිපාකපච්චයා… නආහාරපච්චයා (සංඛිත්තං).

158. නහෙතුයා එකං, නආරම්මණෙ තීණි, නඅධිපතියා නව, නඅනන්තරෙ තීණි, නසමනන්තරෙ තීණි, නඅඤ්ඤමඤ්ඤෙ තීණි, නඋපනිස්සයෙ තීණි, නපුරෙජාතෙ නව, නපච්ඡාජාතෙ නව, නආසෙවනෙ නව, නවිපාකෙ එකං, නආහාරෙ එකං, නඉන්ද්‍රියෙ එකං, නඣානෙ එකං, නමග්ගෙ එකං, නසම්පයුත්තෙ තීණි, නවිප්පයුත්තෙ නව, නොනත්ථියා තීණි, නොවිගතෙ තීණි.

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා ආරම්මණෙ එකං (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)