7. පඤ්හාවාරො

පච්චයචතුක්කං

හෙතු-ආරම්මණපච්චයා

159. හෙතු උපාදින්නුපාදානියො ධම්මො හෙතුස්ස උපාදින්නුපාදානියස්ස ධම්මස්ස හෙතුපච්චයෙන පච්චයො… තීණි.

160. හෙතු උපාදින්නුපාදානියො ධම්මො හෙතුස්ස උපාදින්නුපාදානියස්ස ධම්මස්ස ආරම්මණපච්චයෙන පච්චයො… තීණි.

නහෙතු උපාදින්නුපාදානියො ධම්මො නහෙතුස්ස උපාදින්නුපාදානියස්ස ධම්මස්ස ආරම්මණපච්චයෙන පච්චයො… තීණි.

හෙතු උපාදින්නුපාදානියො ච නහෙතු උපාදින්නුපාදානියො ච ධම්මා හෙතුස්ස උපාදින්නුපාදානියස්ස ධම්මස්ස ආරම්මණපච්චයෙන පච්චයො… තීණි (සංඛිත්තං).

161. හෙතුයා තීණි, ආරම්මණෙ නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ තීණි, පච්ඡාජාතෙ තීණි, කම්මෙ තීණි, විපාකෙ නව, ආහාරෙ තීණි, ඉන්ද්‍රියෙ නව, ඣානෙ තීණි, මග්ගෙ නව, සම්පයුත්තෙ නව, විප්පයුත්තෙ පඤ්ච, අත්ථියා නව, නත්ථියා නව, විගතෙ නව, අවිගතෙ නව.

පච්චනීයුද්ධාරො

162. හෙතු උපාදින්නුපාදානියො ධම්මො හෙතුස්ස උපාදින්නුපාදානියස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… තීණි.

නහෙතු උපාදින්නුපාදානියො ධම්මො නහෙතුස්ස උපාදින්නුපාදානියස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො… පුරෙජාතපච්චයෙන පච්චයො… පච්ඡාජාතපච්චයෙන පච්චයො… ආහාරපච්චයෙන පච්චයො… ඉන්ද්‍රියපච්චයෙන පච්චයො (සංඛිත්තං).

163. නහෙතුයා නව, නආරම්මණෙ නව, නඅධිපතියා නව (සංඛිත්තං).

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා ආරම්මණෙ නව (සංඛිත්තං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)