1-6. පටිච්චවාරාදි

පච්චයචතුක්කං

හෙතුපච්චයො

533. හෙතුං බහිද්ධාරම්මණං ධම්මං පටිච්ච හෙතු බහිද්ධාරම්මණො ධම්මො උප්පජ්ජති හෙතුපච්චයා (සංඛිත්තං).

534. හෙතුයා නව, ආරම්මණෙ නව…පෙ… අවිගත නව (සංඛිත්තං).

නහෙතුපච්චයො

535. නහෙතුං බහිද්ධාරම්මණං ධම්මං පටිච්ච නහෙතු බහිද්ධාරම්මණො ධම්මො උප්පජ්ජති නහෙතුපච්චයා (සංඛිත්තං).

536. නහෙතුයා ද්වෙ, නඅධිපතියා නව…පෙ… නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නඣානෙ එකං, නමග්ගෙ එකං, නවිප්පයුත්තෙ නව (සංඛිත්තං).

හෙතුපච්චයා නඅධිපතියා නව (සංඛිත්තං).

නහෙතුපච්චයා ආරම්මණෙ ද්වෙ (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)