7. පඤ්හාවාරො

පච්චයචතුක්කං

හෙතුපච්චයාදි

537. හෙතු බහිද්ධාරම්මණො ධම්මො හෙතුස්ස බහිද්ධාරම්මණස්ස ධම්මස්ස හෙතුපච්චයෙන පච්චයො… තීණි.

හෙතු බහිද්ධාරම්මණො ධම්මො හෙතුස්ස බහිද්ධාරම්මණස්ස ධම්මස්ස ආරම්මණපච්චයෙන පච්චයො… නව.

හෙතු බහිද්ධාරම්මණො ධම්මො හෙතුස්ස බහිද්ධාරම්මණස්ස ධම්මස්ස අධිපතිපච්චයෙන පච්චයො – සහජාතාධිපති… තීණි.

නහෙතු බහිද්ධාරම්මණො ධම්මො නහෙතුස්ස බහිද්ධාරම්මණස්ස ධම්මස්ස අධිපතිපච්චයෙන පච්චයො – සහජාතාධිපති… තීණි (සංඛිත්තං).

538. හෙතුයා තීණි, ආරම්මණෙ නව, අධිපතියා ඡ, කම්මෙ තීණි, විපාකෙ නව, ආහාරෙ තීණි…පෙ… අවිගතෙ නව (සංඛිත්තං).

පච්චනීයුද්ධාරො

539. හෙතු බහිද්ධාරම්මණො ධම්මො හෙතුස්ස බහිද්ධාරම්මණස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො (සංඛිත්තං).

540. නහෙතුයා නව, නආරම්මණෙ නව (සංඛිත්තං).

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා ආරම්මණෙ නව (සංඛිත්තං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)

හෙතුදුකඅජ්ඣත්තාරම්මණත්තිකං නිට්ඨිතං.