1. පටිච්චවාරාදි

පච්චයචතුක්කං

හෙතුපච්චයො

83. හෙතුං දුක්ඛාය වෙදනාය සම්පයුත්තං ධම්මං පටිච්ච හෙතු දුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා. හෙතුං දුක්ඛාය වෙදනාය සම්පයුත්තං ධම්මං පටිච්ච නහෙතු දුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා. හෙතුං දුක්ඛාය වෙදනාය සම්පයුත්තං ධම්මං පටිච්ච හෙතු දුක්ඛාය වෙදනාය සම්පයුත්තො ච නහෙතු දුක්ඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. (3)

නහෙතුං දුක්ඛාය වෙදනාය සම්පයුත්තං ධම්මං පටිච්ච නහෙතු දුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා… තීණි.

හෙතුං දුක්ඛාය වෙදනාය සම්පයුත්තඤ්ච නහෙතුං දුක්ඛාය වෙදනාය සම්පයුත්තඤ්ච ධම්මං පටිච්ච හෙතු දුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා… තීණි (සංඛිත්තං).

84. හෙතුයා නව, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ නව, ආසෙවනෙ නව, කම්මෙ නව, විපාකෙ එකං, ආහාරෙ නව, ඉන්ද්‍රියෙ නව, ඣානෙ නව, මග්ගෙ නව, සම්පයුත්තෙ නව, විප්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව (අනුලොමං).

නහෙතු-නඅධිපතිපච්චයා

85. නහෙතුං දුක්ඛාය වෙදනාය සම්පයුත්තං ධම්මං පටිච්ච නහෙතු දුක්ඛාය වෙදනාය සම්පයුත්තො ධම්මො උප්පජ්ජති නහෙතුපච්චයා (1)

86. හෙතුං දුක්ඛාය වෙදනාය සම්පයුත්තං ධම්මං පටිච්ච හෙතු දුක්ඛාය වෙදනාය සම්පයුත්තො ධම්මො උප්පජ්ජති නඅධිපතිපච්චයා (සංඛිත්තං).

87. නහෙතුයා එකං, නඅධිපතියා නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නඣානෙ එකං, නමග්ගෙ එකං (පච්චනීයං).

හෙතුපච්චයා නඅධිපතියා නව (සංඛිත්තං, අනුලොමපච්චනීයං).

නහෙතුපච්චයා ආරම්මණෙ එකං (සංඛිත්තං, පච්චනීයානුලොමං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)