7. පඤ්හාවාරො

පච්චයචතුක්කං

හෙතුපච්චයො

88. හෙතු දුක්ඛාය වෙදනාය සම්පයුත්තො ධම්මො හෙතුස්ස දුක්ඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. හෙතු දුක්ඛාය වෙදනාය සම්පයුත්තො ධම්මො නහෙතුස්ස දුක්ඛාය වෙදනාය සම්පයුත්තස්ස ධම්මස්ස හෙතුපච්චයෙන පච්චයො. හෙතු දුක්ඛාය වෙදනාය සම්පයුත්තො ධම්මො හෙතුස්ස දුක්ඛාය වෙදනාය සම්පයුත්තස්ස ච නහෙතුස්ස දුක්ඛාය වෙදනාය සම්පයුත්තස්ස ච ධම්මස්ස හෙතුපච්චයෙන පච්චයො. (3)

ආරම්මණපච්චයාදි

89. හෙතු දුක්ඛාය වෙදනාය සම්පයුත්තො ධම්මො හෙතුස්ස දුක්ඛාය වෙදනාය සම්පයුත්තස්ස ධම්මස්ස ආරම්මණපච්චයෙන පච්චයො… තීණි.

නහෙතු දුක්ඛාය වෙදනාය සම්පයුත්තො ධම්මො නහෙතුස්ස දුක්ඛාය වෙදනාය සම්පයුත්තස්ස ධම්මස්ස ආරම්මණපච්චයෙන පච්චයො… තීණි.

හෙතු දුක්ඛාය වෙදනාය සම්පයුත්තො ච නහෙතු දුක්ඛාය වෙදනාය සම්පයුත්තො ච ධම්මා හෙතුස්ස දුක්ඛාය වෙදනාය සම්පයුත්තස්ස ධම්මස්ස ආරම්මණපච්චයෙන පච්චයො… තීණි (සංඛිත්තං).

90. නහෙතු දුක්ඛාය වෙදනාය සම්පයුත්තො ධම්මො නහෙතුස්ස දුක්ඛාය වෙදනාය සම්පයුත්තස්ස ධම්මස්ස කම්මපච්චයෙන පච්චයො… තීණි (සංඛිත්තං).

91. හෙතුයා තීණි, ආරම්මණෙ නව, අධිපතියා තීණි, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, ආසෙවනෙ නව, කම්මෙ තීණි, විපාකෙ එකං, ආහාරෙ තීණි, ඉන්ද්‍රියෙ තීණි, ඣානෙ තීණි, මග්ගෙ තීණි, සම්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව (අනුලොමං).

පච්චනීයුද්ධාරො

92. හෙතු දුක්ඛාය වෙදනාය සම්පයුත්තො ධම්මො හෙතුස්ස දුක්ඛාය වෙදනාය සම්පයුත්තස්ස ධම්මස්ස ආරම්මණපච්චයෙන පච්චයො… සහජාතපච්චයෙන පච්චයො… උපනිස්සයපච්චයෙන පච්චයො (සංඛිත්තං).

93. නහෙතුයා නව, නආරම්මණෙ නව, නඅධිපතියා නව (සංඛිත්තං, පච්චනීයං).

හෙතුපච්චයා නආරම්මණෙ තීණි (සංඛිත්තං, අනුලොමපච්චනීයං).

නහෙතුපච්චයා ආරම්මණෙ නව (සංඛිත්තං, පච්චනීයානුලොමං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)