1-6. පටිච්චවාරාදි

පච්චයචතුක්කං

හෙතුපච්චයො

437. හෙතුං සම්මත්තනියතං ධම්මං පටිච්ච හෙතු සම්මත්තනියතො ධම්මො උප්පජ්ජති හෙතුපච්චයා… තීණි.

නහෙතුං සම්මත්තනියතං ධම්මං පටිච්ච නහෙතු සම්මත්තනියතො ධම්මො උප්පජ්ජති හෙතුපච්චයා… තීණි.

හෙතුං සම්මත්තනියතඤ්ච නහෙතුං සම්මත්තනියතඤ්ච ධම්මං පටිච්ච හෙතු සම්මත්තනියතො ධම්මො උප්පජ්ජති හෙතුපච්චයා… තීණි (සංඛිත්තං).

438. හෙතුයා නව, ආරම්මණෙ නව, අධිපතියා නව…පෙ… පුරෙජාතෙ නව, ආසෙවනෙ නව, කම්මෙ නව, ආහාරෙ නව…පෙ… අවිගතෙ නව (සංඛිත්තං).

නඅධිපතිපච්චයො

439. හෙතුං සම්මත්තනියතං ධම්මං පටිච්ච හෙතු සම්මත්තනියතො ධම්මො උප්පජ්ජති නඅධිපතිපච්චයා (සංඛිත්තං).

440. නඅධිපතියා ඡ, නපුරෙජාතෙ නව, නපච්ඡාජාතෙ නව, නකම්මෙ තීණි, නවිපාකෙ නව, නවිප්පයුත්තෙ නව (සංඛිත්තං).

හෙතුපච්චයා නඅධිපතියා ඡ (සංඛිත්තං).

නඅධිපතිපච්චයා හෙතුයා ඡ (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)