7. පඤ්හාවාරො

පච්චයචතුක්කං

හෙතු-අධිපතිපච්චයා

441. හෙතු සම්මත්තනියතො ධම්මො හෙතුස්ස සම්මත්තනියතස්ස ධම්මස්ස හෙතුපච්චයෙන පච්චයො… තීණි.

හෙතු සම්මත්තනියතො ධම්මො හෙතුස්ස සම්මත්තනියතස්ස ධම්මස්ස අධිපතිපච්චයෙන පච්චයො – සහජාතාධිපති… තීණි.

නහෙතු සම්මත්තනියතො ධම්මො නහෙතුස්ස සම්මත්තනියතස්ස ධම්මස්ස අධිපතිපච්චයෙන පච්චයො – සහජාතාධිපති… තීණි (සංඛිත්තං).

442. හෙතුයා තීණි, අධිපතියා ඡ, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, කම්මෙ තීණි, ආහාරෙ තීණි, ඉන්ද්‍රියෙ නව, ඣානෙ තීණි, මග්ගෙ නව, සම්පයුත්තෙ නව, අත්ථියා නව, අවිගතෙ නව (සංඛිත්තං).

පච්චනීයුද්ධාරො

443. හෙතු සම්මත්තනියතො ධම්මො හෙතුස්ස සම්මත්තනියතස්ස ධම්මස්ස සහජාතපච්චයෙන පච්චයො… උපනිස්සයපච්චයෙන පච්චයො (සංඛිත්තං).

444. නහෙතුයා නව, නආරම්මණෙ නව (සංඛිත්තං).

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා අධිපතියා තීණි (සංඛිත්තං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි ගණිතං, එවං ගණෙතබ්බං.)