1-6. පටිච්චවාරාදි

පච්චයචතුක්කං

හෙතුපච්චයො

330. හෙතුං සෙක්ඛං ධම්මං පටිච්ච හෙතු සෙක්ඛො ධම්මො උප්පජ්ජති හෙතුපච්චයා… තීණි.

නහෙතුං සෙක්ඛං ධම්මං පටිච්ච නහෙතු සෙක්ඛො ධම්මො උප්පජ්ජති හෙතුපච්චයා… තීණි.

හෙතුං සෙක්ඛඤ්ච නහෙතුං සෙක්ඛඤ්ච ධම්මං පටිච්ච හෙතු සෙක්ඛො ධම්මො උප්පජ්ජති හෙතුපච්චයා… තීණි (සංඛිත්තං).

331. හෙතුයා නව, ආරම්මණෙ නව, අධිපතියා නව, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, පුරෙජාතෙ නව, ආසෙවනෙ නව, කම්මෙ නව, විපාකෙ නව, ආහාරෙ නව…පෙ… අවිගතෙ නව (සංඛිත්තං).

නඅධිපතිපච්චයො

332. හෙතුං සෙක්ඛං ධම්මං පටිච්ච හෙතු සෙක්ඛො ධම්මො උප්පජ්ජති නඅධිපතිපච්චයා (සංඛිත්තං).

333. නඅධිපතියා ඡ, නපුරෙජාතෙ නව, නපච්ඡාජාතෙ නව, නආසෙවනෙ නව, නකම්මෙ තීණි, නවිපාකෙ නව, නවිප්පයුත්තෙ නව.

හෙතුපච්චයා නඅධිපතියා ඡ (සංඛිත්තං).

නඅධිපතිපච්චයා හෙතුයා ඡ (සංඛිත්තං).

(සහජාතවාරොපි පච්චයවාරොපි නිස්සයවාරොපි සංසට්ඨවාරොපි සම්පයුත්තවාරොපි පටිච්චවාරසදිසා විත්ථාරෙතබ්බා.)