7. පඤ්හාවාරො

පච්චයචතුක්කං

හෙතුපච්චයාදි

334. හෙතු සෙක්ඛො ධම්මො හෙතුස්ස සෙක්ඛස්ස ධම්මස්ස හෙතුපච්චයෙන පච්චයො… තීණි.

හෙතු සෙක්ඛො ධම්මො හෙතුස්ස සෙක්ඛස්ස ධම්මස්ස අධිපතිපච්චයෙන පච්චයො – සහජාතාධිපති… තීණි.

නහෙතු සෙක්ඛො ධම්මො නහෙතුස්ස සෙක්ඛස්ස ධම්මස්ස අධිපතිපච්චයෙන පච්චයො – සහජාතාධිපති… තීණි.

හෙතු සෙක්ඛො ධම්මො හෙතුස්ස සෙක්ඛස්ස ධම්මස්ස අනන්තරපච්චයෙන පච්චයො (සංඛිත්තං).

335. හෙතුයා තීණි, අධිපතියා ඡ, අනන්තරෙ නව, සමනන්තරෙ නව, සහජාතෙ නව, අඤ්ඤමඤ්ඤෙ නව, නිස්සයෙ නව, උපනිස්සයෙ නව, කම්මෙ තීණි, විපාකෙ නව, ආහාරෙ තීණි, ඉන්ද්‍රියෙ නව, ඣානෙ තීණි, මග්ගෙ නව, සම්පයුත්තෙ නව, අත්ථියා නව, නත්ථියා නව, විගතෙ නව, අවිගතෙ නව (සංඛිත්තං).

පච්චනීයුද්ධාරො

336. හෙතු සෙක්ඛො ධම්මො හෙතුස්ස සෙක්ඛස්ස ධම්මස්ස සහජාතපච්චයෙන පච්චයො, උපනිස්සයපච්චයෙන පච්චයො (සංඛිත්තං).

337. නහෙතුයා නව, නආරම්මණෙ නව (සංඛිත්තං).

හෙතුපච්චයා නආරම්මණෙ තීණි (සංඛිත්තං).

නහෙතුපච්චයා අධිපතියා තීණි (සංඛිත්තං).

(යථා කුසලත්තිකෙ පඤ්හාවාරස්ස අනුලොමම්පි පච්චනීයම්පි අනුලොමපච්චනීයම්පි පච්චනීයානුලොමම්පි නණිතං, එවං ගණෙතබ්බං.)