၁. ဒသဗလသုတ္တဝဏ္ဏနာ

၂၁. ပဌမံ ဒုတိယဿေဝ သင်္ခေပေါ ပဌမသုတ္တေ သင်္ခေပဝုတ္တဿ အတ္ထဿ ဝိတ္ထာရဝသေန ဒုတိယသုတ္တဿ ဒေသိတတ္တာ၊ တဉ္စ ပန ဘဂဝါ ပဌမသုတ္တံ သင်္ခေပတော ဒေသေသိ၊ ဒုတိယံ တတော ဝိတ္ထာရတော. ပဌမံ ဝါ သံခိတ္တရုစီနံ ပုဂ္ဂလာနံ အဇ္ဈာသယေန သင်္ခေပတော ဒေသေသိ၊ ဒုတိယံ ပန အတ္တနော ရုစိယာ တတော ဝိတ္ထာရတော. သီဟသမာနဝုတ္တိကာ ဟိ ဗုဒ္ဓါ ဘဂဝန္တော၊ တေ အတ္တနော ရုစိယာ ကထေန္တာ အတ္တနော ထာမံ ဒဿေန္တာဝ ကထေန္တိ၊ တသ္မာ ဒုတိယသုတ္တဝသေန စေတ္ထ အတ္ထဝဏ္ဏနံ ကရိဿာမ၊ တသ္မိံ သံဝဏ္ဏိတေ ပဌမံ သံဝဏ္ဏိတမေဝ ဟောတီတိ အဓိပ္ပါယော.

ဒသဗလသုတ္တဝဏ္ဏနာ နိဋ္ဌိတာ.