၃. ဒုတိယသံခိတ္တသုတ္တံ

၄၈၃. ‘‘ပဉ္စိမာနိ၊ ဘိက္ခဝေ၊ ဣန္ဒြိယာနိ. ကတမာနိ ပဉ္စ? သဒ္ဓိန္ဒြိယံ။ပေ။ ပညိန္ဒြိယံ – ဣမာနိ ခေါ၊ ဘိက္ခဝေ၊ ပဉ္စိန္ဒြိယာနိ. ဣမေသံ ခေါ၊ ဘိက္ခဝေ၊ ပဉ္စန္နံ ဣန္ဒြိယာနံ သမတ္တာ ပရိပူရတ္တာ အရဟံ ဟောတိ၊ တတော မုဒုတရေဟိ အနာဂါမီ ဟောတိ၊ တတော မုဒုတရေဟိ သကဒါဂါမီ ဟောတိ၊ တတော မုဒုတရေဟိ သောတာပန္နော ဟောတိ၊ တတော မုဒုတရေဟိ ဓမ္မာနုသာရီ ဟောတိ၊ တတော မုဒုတရေဟိ သဒ္ဓါနုသာရီ ဟောတိ. ဣတိ ခေါ၊ ဘိက္ခဝေ၊ ဣန္ဒြိယဝေမတ္တတာ ဖလဝေမတ္တတာ ဟောတိ၊ ဖလဝေမတ္တတာ ပုဂ္ဂလဝေမတ္တတာ’’တိ. တတိယံ.