၉. ပဌမဗြဟ္မစရိယသုတ္တံ

၃၉. သာဝတ္ထိနိဒါနံ. ‘‘ဗြဟ္မစရိယဉ္စ ဝေါ၊ ဘိက္ခဝေ၊ ဒေသေဿာမိ၊ ဗြဟ္မစရိယဖလာနိ စ. တံ သုဏာထ. ကတမဉ္စ၊ ဘိက္ခဝေ၊ ဗြဟ္မစရိယံ? အယမေဝ အရိယော အဋ္ဌင်္ဂိကော မဂ္ဂေါ၊ သေယျထိဒံ – သမ္မာဒိဋ္ဌိ။ပေ။ သမ္မာသမာဓိ. ဣဒံ ဝုစ္စတိ၊ ဘိက္ခဝေ၊ ဗြဟ္မစရိယံ. ကတမာနိ စ၊ ဘိက္ခဝေ၊ ဗြဟ္မစရိယဖလာနိ? သောတာပတ္တိဖလံ၊ သကဒါဂါမိဖလံ၊ အနာဂါမိဖလံ၊ အရဟတ္တဖလံ – ဣမာနိ ဝုစ္စန္တိ၊ ဘိက္ခဝေ၊ ဗြဟ္မစရိယဖလာနီ’’တိ. နဝမံ.