၄. ရာဓဒုက္ခသုတ္တံ

၇၇. ‘‘ယံ ခေါ၊ ရာဓ၊ ဒုက္ခံ တတြ တေ ဆန္ဒော ပဟာတဗ္ဗော. ကိဉ္စ၊ ရာဓ၊ ဒုက္ခံ? စက္ခု ခေါ၊ ရာဓ၊ ဒုက္ခံ. တတြ တေ ဆန္ဒော ပဟာတဗ္ဗော. ရူပါ။ စက္ခုဝိညာဏံ။ စက္ခုသမ္ဖဿော။ ယမ္ပိဒံ စက္ခုသမ္ဖဿ။ပေ။ အဒုက္ခမသုခံ ဝါ တမ္ပိ ဒုက္ခံ. တတြ တေ ဆန္ဒော ပဟာတဗ္ဗော။ပေ။ မနော ဒုက္ခော။ ဓမ္မာ။ မနောဝိညာဏံ။ မနောသမ္ဖဿော။ ယမ္ပိဒံ မနောသမ္ဖဿပစ္စယာ ဥပ္ပဇ္ဇတိ ဝေဒယိတံ သုခံ ဝါ ဒုက္ခံ ဝါ အဒုက္ခမသုခံ ဝါ တမ္ပိ ဒုက္ခံ. တတြ တေ ဆန္ဒော ပဟာတဗ္ဗော. ယံ ခေါ၊ ရာဓ၊ ဒုက္ခံ တတြ တေ ဆန္ဒော ပဟာတဗ္ဗော’’တိ. စတုတ္ထံ.