၅. ရာဓအနတ္တသုတ္တံ

၇၈. ‘‘ယော ခေါ၊ ရာဓ၊ အနတ္တာ တတြ တေ ဆန္ဒော ပဟာတဗ္ဗော. ကော စ၊ ရာဓ၊ အနတ္တာ? စက္ခု ခေါ၊ ရာဓ၊ အနတ္တာ. တတြ တေ ဆန္ဒော ပဟာတဗ္ဗော. ရူပါ။ စက္ခုဝိညာဏံ။ စက္ခုသမ္ဖဿော။ ယမ္ပိဒံ စက္ခုသမ္ဖဿပစ္စယာ။ပေ။ မနော အနတ္တာ။ ဓမ္မာ။ မနောဝိညာဏံ။ မနောသမ္ဖဿော။ ယမ္ပိဒံ မနောသမ္ဖဿပစ္စယာ ဥပ္ပဇ္ဇတိ ဝေဒယိတံ သုခံ ဝါ ဒုက္ခံ ဝါ အဒုက္ခမသုခံ ဝါ တမ္ပိ အနတ္တာ. တတြ တေ ဆန္ဒော ပဟာတဗ္ဗော. ယော ခေါ၊ ရာဓ၊ အနတ္တာ တတြ တေ ဆန္ဒော ပဟာတဗ္ဗော’’တိ. ပဉ္စမံ.