၇. ယောနိသောမနသိကာရပဉှော

၇. ရာဇာ အာဟ ‘‘ဘန္တေ နာဂသေန၊ ယော န ပဋိသန္ဒဟတိ၊ နနု သော ယောနိသော မနသိကာရေန န ပဋိသန္ဒဟတီ’’တိ? ‘‘ယောနိသော စ မဟာရာဇ၊ မနသိကာရေန ပညာယ စ အညေဟိ စ ကုသလေဟိ ဓမ္မေဟီ’’တိ. ‘‘နနု၊ ဘန္တေ၊ ယောနိသော မနသိကာရော ယေဝ ပညာ’’တိ? ‘‘န ဟိ၊ မဟာရာဇ၊ အညော မနသိကာရော၊ အညာ ပညာ၊ ဣမေသံ ခေါ၊ မဟာရာဇ၊ အဇေဠကဂေါဏမဟိံသဩဋ္ဌဂဒြဘာနမ္ပိ မနသိကာရော အတ္ထိ၊ ပညာ ပန တေသံ နတ္ထီ’’တိ.

‘‘ကလ္လောသိ၊ ဘန္တေ နာဂသေနာ’’တိ.

ယောနိသောမနသိကာရပဉှော သတ္တမော.