၆. ပဋိသန္ဓိပဉှော

၆. ရာဇာ အာဟ ‘‘ဘန္တေ နာဂသေန၊ အတ္ထိ ကောစိ မတော န ပဋိသန္ဒဟတီ’’တိ. ထေရော အာဟ ‘‘ကောစိ ပဋိသန္ဒဟတိ၊ ကောစိ န ပဋိသန္ဒဟတီ’’တိ. ‘‘ကော ပဋိသန္ဒဟတိ၊ ကော န ပဋိသန္ဒဟတီ’’တိ? ‘‘သကိလေသော၊ မဟာရာဇ၊ ပဋိသန္ဒဟတိ၊ နိက္ကိလေသော န ပဋိသန္ဒဟတီ’’တိ. ‘‘တွံ ပန၊ ဘန္တေ နာဂသေန၊ ပဋိသန္ဒဟိဿသီ’’တိ? ‘‘သစေ၊ မဟာရာဇ၊ သဥပါဒါနော ဘဝိဿာမိ ပဋိသန္ဒဟိဿာမိ၊ သစေ အနုပါဒါနော ဘဝိဿာမိ န ပဋိသန္ဒဟိဿာမီ’’တိ.

‘‘ကလ္လောသိ၊ ဘန္တေ နာဂသေနာ’’တိ.

ပဋိသန္ဓိပဉှော ဆဋ္ဌော.