၂၉၇. ကာမဝိလာပဇာတကံ (၃-၅-၇)

၁၃၉. ဥစ္စေ သကုဏ ဍေမာန၊ ပတ္တယာန ဝိဟင်္ဂမ၊

ဝဇ္ဇာသိ ခေါ တွံ ဝါမူရုံ၊ စိရံ ခေါ သာ ကရိဿတိ [သရိဿတိ (က.)].

၁၄၀. ဣဒံ ခေါ သာ န ဇာနာတိ၊ အသိံ သတ္တိဉ္စ ဩဍ္ဍိတံ၊

သာ စဏ္ဍီ ကာဟတိ ကောဓံ၊ တံ မေ တပတိ နော ဣဒံ [နော ဣဓ (သီ. သျာ. ပီ.)].

၁၄၁. ဧသ ဥပ္ပလသန္နာဟော၊ နိက္ခဉ္စုဿီသကောဟိတံ [နိက္ခမုဿီသကေ ကတံ (သီ. ပီ.)၊ နိက္ခဉ္စုဿီသကေ ကတံ (သျာ.)]၊

ကာသိကဉ္စ မုဒုံ ဝတ္ထံ၊ တပ္ပေတု ဓနိကာ ပိယာတိ [ဓနကာမိယာတိ (သျာ. ပီ.)၊ ဓနကာမိကာတိ (သီ.)].

ကာမဝိလာပဇာတကံ သတ္တမံ.