၂၇၇. ရောမကဇာတကံ (၃-၃-၇)

၇၉. ဝဿာနိ ပညာသ သမာဓိကာနိ၊ ဝသိမှ သေလဿ ဂုဟာယ ရောမက၊

အသင်္ကမာနာ အဘိနိဗ္ဗုတတ္တာ [အဘိနိဗ္ဗုတစိတ္တာ (သျာ. က.)]၊ ဟတ္ထတ္တ [ဟတ္ထတ္ထ (သျာ.)] မာယန္တိ မမဏ္ဍဇာ ပုရေ.

၈၀. တေ ဒါနိ ဝက္ကင်္ဂ ကိမတ္ထမုဿုကာ၊ ဘဇန္တိ အညံ ဂိရိကန္ဒရံ ဒိဇာ၊

န နူန မညန္တိ မမံ ယထာ ပုရေ၊ စိရပ္ပဝုတ္ထာ အထ ဝါ န တေ ဣမေ.

၈၁. ဇာနာမ တံ န မယံ သမ္ပမူဠှာ [န မယ’မသ္မ မူဠှာ (သီ. ပီ.)]၊ သောယေဝ တွံ တေ မယမသ္မ နာညေ၊

စိတ္တဉ္စ တေ အသ္မိံ ဇနေ ပဒုဋ္ဌံ၊ အာဇီဝိကာ [အာဇီဝက (သီ. သျာ.)၊ အာဇီဝိက (ပီ.)] တေန တမုတ္တသာမာတိ.

ရောမကဇာတကံ သတ္တမံ.